O'zbekiston musulmonlari idorasi raisining maslahatchisi Salohiddin domla Sharipov, O'zbekiston musulmonlari idorasi raisining o'rinbosari Ibrohimjon domla Inomov xamda viloyat bosh imom-xatibi o'rinbosari Muhammadisxoq domla Mo'minovlar Andijon tumanidagi e'tiborga muhtoj, xonadonida bemorligi bor oilalarga “Vaqf” xayriya jamoat fondi tomonidan davolanishi uchun pul mablag'i, oziq-ovqat mahsulotlari xamda diniy-ma'rifiy kitoblar jamlanmasi etkazildi.
O'MI matbuot xizmati
O‘zbekiston musulmonlari idorasi jamoasi Andijon viloyati Asaka tumani "Xazrati Umar" jome masjidi imom xatibi Muhammadsobir domla Iminovning volidai mehribonlari vafoti munosabati bilan u kishining oila a’zolari va yaqinlariga chuqur ta’ziya izhor etadi.
Alloh taolo marhuma onaxonni O‘z mag‘firatiga olsin, iymonlari va solih amallarini o‘zlariga hamroh aylasin. Oxiratlarini obod etib, joylarini Firdavs jannatlaridan qilsin!
Haq taolo marhuma onaxonning ahli oilasi, farzandu arjumandlari va yaqinlariga chiroyli sabr berib, bu musibatlarini yaxshiliklar ila to‘ldirsin.
O‘zbekiston musulmonlari idorasi jamoasi, Ulamolar kengashi a’zolari, imom-domlalari va o‘qituvchi-mudarrislari nomidan marhuma onaxonning yaqinlariga xususan, Muhammadsobir domla Iminovga hamdardlik bildiradi.
Innaa lillaahi va innaa ilayhi roji’uun.
«Musibat yetganda “Albatta, biz Allohnikimiz va albatta, biz Unga qaytuvchimiz”, degan sabrlilarga xushxabar bering».
O‘zbekiston musulmonlari idorasi