Sayt test holatida ishlamoqda!
12 Yanvar, 2025   |   12 Rajab, 1446

Toshkent shahri
Tong
06:24
Quyosh
07:48
Peshin
12:36
Asr
15:34
Shom
17:18
Xufton
18:37
Bismillah
12 Yanvar, 2025, 12 Rajab, 1446

Hushxabar: RAMAZON OYIDA 1370 DAN ZIYoD MASJIDDA HATMI QUR_''ON BO'LADI

1.04.2021   2133   2 min.
Hushxabar: RAMAZON OYIDA 1370 DAN ZIYoD MASJIDDA HATMI QUR_''ON BO'LADI

Har yili Ramazoni sharif kirib kelishi bilan yurtimiz masjidlari xatmi Qur'on sadolari ila burkanadi. Namozxonlar jomelardagi taroveh namozlarida o'qiladigan Qur'on tilovatiga butun vujudi bilan some bo'lib, ulkan ajru savobga ega bo'ladi va ruhiy-ma'naviy ozuqa oladi.

Bu yilgi taroveh namozi va Qur'on xatmi lazzatini mo'min-musulmon xalqimiz o'zgacha sog'inch, intizorlik va shavq bilan kutmoqda. Boisi, o'tgan yili koronavirus pandemiyasi sababi bu ulug' ne'matdan baxramand bo'lolmadilar.

Insha Alloh, bu yil yurtimiz masjidlarida taroveh namozi o'qiladi. Quvonarlisi, 1370 dan ziyod masjidda xatmi Qur'on o'tkaziladi.

Ma'lumki, 2020 yil koronavirus pandemiyasi sabab yurtimizdagi masjidlar faoliyati to'xtab, xalqimiz kundalik besh vaqt namoz, juma, hayit va taroveh namozlarini jamoat ila ado etolmagan edi. Alhamdulillah, bu yil tarovehdagi xatmi Qur'on fayzidan bahramand bo'lamiz.

Ta'kidlash joizki, yildan-yilga masjidlarimizda xatmi Qur'onlar ziyoda bo'lib, tartib va o'zgacha tarovatda o'tmoqda. Misol uchun, 2019 yil 1220 masjidda, 2018 yil 1149 masjidda xatmi Qur'on o'tkazilgan edi.

Qur'on o'qiladigan yurtda farovonlik bo'ladi. Bu joyga Allohning rahmati, barakasi yog'iladi, balo-ofatlar ariydi. Hazrati Payg'ambarimiz alayhissalom «Bir qavm jamlansa, ba'zisi duo qilsa va qolganlari “omin”, desa, albatta, Alloh taolo ularni ijobat qiladi», deganlar (Imom Tabaroniy rivoyati).

Ramazon oyida masjidlardagi taroveh namozlari va xatmi Qur'onlarda mo'min-musulmon xalqimiz jamoat bo'lib qilinadigan duolar Haq taolo dargohida mustajob bo'lib, o'lkamizga osudalik, baraka, keladi, bemorlarga shifoi komil topib, koronavirus kasalligi ariydi, insha Alloh.

Eslatib o'tamiz, 2021 yilda yurtimiz masjidlarida Ramazon oyi va taroveh namozlariga tayyorgarlik boshlangani haqida xabar bergandik.


O'zbekiston musulmonlari idorasi matbuot xizmati


O'zbekiston yangiliklari
Boshqa maqolalar

Dindor odamlarga qanday qaraysiz? Badavlat odamlarga-chi?

8.01.2025   3790   1 min.
Dindor odamlarga qanday qaraysiz? Badavlat odamlarga-chi?

Mol-dunyo masalasida o‘zingizdan pastroqdagilarga qarang, dedik. Lekin dinu diyonat masalasida doim o‘zingizdan oldindagilarga qarang, ulardan ibrat oling, ularga yetib olishga intiling. Dunyo, boylik, sog‘lik va go‘zallik borasida o‘zingizdan quyidagilarga qarab, cheksiz marhamati uchun Allohga shukr qilsangiz, hayotingiz baxt-saodatga to‘ladi, Alloh taolo sizni shukr va sabr qiluvchilar safiga yozib, fazlu marhamati bilan ularga beriladigan mukofotlaridan sizga ham beradi.


Rasululloh sollallohu alayhi vasallam bunday deganlar:

«Kimda ikki xislat bor bo‘lsa, Alloh uni shukr qiluvchi, sabr qiluvchi deb yozib qo‘yadi. Kimda bu ikki xislat bo‘lmasa, Alloh uni shukr qiluvchi ham, sabr qiluvchi ham deb yozmaydi. Dinu diyonatda o‘zidan yuqoridagilarga qarab, ularga ergashsa; mol-dunyoda esa o‘zidan pastdagilarga qarab, o‘zini ulardan afzal qilgan Allohga hamd aytsa, Alloh uni shukr qiluvchi, sabr qiluvchi deb yozib qo‘yadi. Kim din borasida o‘zidan pastdagilarga, dunyo borasida esa o‘zidan yuqoridagilarga qarab, o‘zi yetisha olmagan narsaga afsuslansa, Alloh uni shukr qiluvchi ham, sabr qiluvchi ham deb yozmaydi» (Imom Termiziy rivoyati).


Uch xil qarash qalbingizdagi mahzunlikni ketkazadi:

- birovlardagi narsalarga rozilik ko‘zi bilan qarash;
- musibatga uchraganlarga ibrat ko‘zi bilan qarash;
- ahvoli sizdan yomonroq, holi xarobroq odamlarga qarash.

Abdulloh Abdulmu’tiy, Huda Sa’id Bahlulning
“Qulog‘im senda qizim” kitobidan G‘iyosiddin Habibulloh,
Abdulhamid Umaraliyev 
tarjimasi.