#Ma’rifat_soati

Shu yil 15 yanvar kuni  Toshkent shahridagi «Shayx Zayniddin» jome masjidi majlislar zalida poytaxtimizda faoliyat yuritayotgan imom-xatiblar uchun Ma’rifat soati bo‘lib o‘tdi.

Tadbirni Toshkent shahar bosh imom-xatibi Abduqahhor domla Yunusov olib bordilar.

Toshkent shahar hokimi o‘rinbosari Abdulvosit Homidjonov ham tadbirda ishtirok etib, poyoniga yetgan 2025 yilda imom-xatiblar xayrli va xalqimiz uchun manfaatli ishlarda faol qatnashganini alohida e’tirof etdilar.

Yangi yilda ham shu jo‘shqinlik saqlanib qolishi, har bir imom, imom noibi yuqori ruhda xizmat qilish zarurligi qayd etildi.

Yangi yilda amalga oshiriladigan ishlar rejasi muhokama qilinib, taklif va tavsiyalar o‘rtaga tashlandi.

Ma’rifat soati so‘ngida xayrli duolar qilindi. 

Toshkent shahar vakilligi
Matbuot xizmati