Har doim qabr azobi haqida so'zlashadiyu, qabr rohati haqida so'zlanmaydi.
Qabr ne'matlari:
1. Unga jannat to'shaklaridan to'shab beriladi.
2. Unga jannat liboslaridan kiydiriladi.
3. Unga shamol, nasimi kelib turishi, xushbo'y hidlaridan hidlashi va unga qarab ko'zlari quvnashi uchun jannatdan bir eshik ochib beriladi.
4. Qabri unga kengaytirib beriladi, uning hidi xo'shbo'ylik hidi kabi bo'ladi.
5. Unga Allohning roziligi va jannatining xushxabari berib turiladi. Shu sababli ham u qabr sohibi qiyomat kelishiga mushtoq bo'ladi.
Imom Ahmad va Abu Dovudlar rivoyati.
6. Jahannamdagi o'rni ko'rsatilib, Alloh taolo unga jannatdagi o'rin bilan alishtirib berilganini ko'rsatilganidan keyingi uning sururi
Imom Ahmad rivoyati.
7. Qabrda xuddi kuyov boladek uxlab yotadi va qabri nurlantirib qo'yiladi.
Imom Termiziy rivoyati.

Payg'ambarimiz sollallohu alayhi vasallam doim Alloh taolodan qabr azobidan panoh so'rar edilar.
Nabiy sollallohu alayhi vasallam duolarida: «Allohim! Sening ila qabr azobidan, do'zax azobidan, tiriklik va o'lim fitnasidan va Masiyh Dajjolning fitnasidan panoh so'rayman», der edilar.
Ikki Shayx va Nasaiy rivoyat qilgan.

Inson umri poyoniga etib qabrga dafn etilgach, uning joni yana qayta jasadiga kiradi. Bu masalada ba'zi ahli ilmlar tavaqquf qilib qat'iy qarorga kela olmagan bo'lsalarda, lekin aksar ulamolarga ko'ra bu haqiqatdir.