SAVOL: Bir kishining iymon keltirishiga sabab bo'lish minglab fayz va zavqdan ustunroqmi?
Javob: Bir inson ikkinchi bir insonning iymon keltirishiga sabab bo'lsa, uning topgan savoblari qadar savob, unga sabab bo'lgan kishining ham nomai a'moliga yoziladi. Bu juda yaxshi. Kishining faqat o'zi uchun intilmay, o'zgalarni ham haq yo'liga boshlashi ulug'larimizning bizga amridir. Bu faoliyatni «xizmat» deb ataymiz. Musulmonlarning iymon keltirishlari, islomni o'rganishlari, moddiy va ma'naviy qiyinchiliklarni engishlari yo'lida xizmat qilish savobli ishdir. Tasavvufiy nuqtai nazardan shunday deymiz. Faqat buni tasavvufga qarshi bir muddao sifatida o'rtaga qo'yish xato, shaytoniy bir ishdir. Ya'ni:
– Sen mutasavvif bo'lma!
– E, nima uchun?
– Boshqalarning imon keltirishlari uchun harakat qil!
– Bunday narsa yo'q! Inson nima uchun mutasavvif bo'ladi? Yaxshi musulmon bo'lish uchun... Nimaga tasavvuf yo'liga kiradi? Taqvo sohibi bo'lib, qalbini nurlantirib, go'zal ahloqli musulmon bo'lishi uchun... Yaxshi musulmon boshqa musulmonlar uchun yanada foydali ishlar qiladi. Tarix davomida shunday bo'lgan. O'zi yaxshi bo'lmagan kishi boshqalar uchun foydali bo'lolmaydi, aksincha, zararli bo'ladi.
Tasavvufdan qochish kerak emas. Bu bilan kishi o'zini qutqaradigan dorilardan qochgan bo'ladi.
"Islom va axloq" kitobidan olindi
Toshkent islom instituti magistratura bosqichi hamda Hadis ilmi maktabiga hujjat topshirgan talabgorlar uchun joriy yilning 11 avgust kuni ijodiy imtihonlar o‘tkaziladi.
Talabgorlar tanlagan yo‘nalishlari bo‘yicha quyidagi fanlardan imtihon topshiradilar:
Teologiya (Tafsir va Qur’on ilmlari): Qur’oni karim va tajvid, Tafsir;
Teologiya (Hanafiylik va fiqh ilmlari): Fiqh, Usulul-fiqh;
Hadis ilmi maktabi: Hadis va mustalahul hadis.
Imtihonlar 11 avgust kuni soat 8:00 da Imom Buxoriy nomidagi Toshkent islom instituti binosida boshlanadi. Talabgorlarni ro‘yxatga olish jarayoni soat 7:30 dan start oladi.
Muhim eslatma: Abituriyentlar imtihonga pasport (yoki ID-karta) asli hamda «Imtihon ruxsatnomasi» bilan kelishlari shart. Ushbu hujjatlardan biri bo‘lmagan talabgorlar imtihonga kiritilmaydi.
Manzil: Toshkent shahri, Olmazor tumani, Zarqaynar 18-berk ko‘chasi, 47-uy.
O‘zbekiston musulmonlari idorasi
Matbuot xizmati