Bugun, 26 dekabr' kuni O'zbekiston musulmonlari idorasi raisi, muftiy Usmonxon Alimov hazratlari Samarqand viloyatiga tashriflari davomida Oqdaryo tumanida joylashgan “Maxdumi A'zam” qadamjosini ziyorat qildilar. Samarqand viloyati bosh imom-xatibi Zayniddin Eshonqulov va Diniy idora Ish boshqaruvchisi Rustam Jamilov safarda hamrohlik qilmoqda. Qur'oni karim oyatlari tilovat qilinib, xayrli duolar qilindi. Shundan so'ng, bu qadamjoda jonliq so'yilib, go'shtlari yordamga muhtoj kishilarga tarqatildi.
Halqimiz sinovlarni mardona engib o'tilayotgan hozirgi kunlarda mamlakatimizda yordamga muhtoj insonlarni har tomonlama qo'llab-quvvatlashga qaratilayotgan xayru-saxovat tadbirlari insoniylikning yuksak ifodasini namoyon etmoqda.
Muhtaram Prezidentimiz tashabbuslari bilan tashkil etilayotgan diyorimiz hududlaridagi ana shunday xayru saxovat ishlari oliyjanob maqsadlarni amalga oshishiga zamin bo'lib, mashaqqatli kunlarni engib o'tishda katta dalda bo'lmoqda.
Samarqand viloyati safari davom etmoqda.
O'zbekiston musulmonlari idorasi Matbuot xizmati
Joriy yil 2-4 aprel kunlari O‘zbekiston davlat jismoniy tarbiya va sport universitetida sportning Bahodirlar o‘yini va tosh ko‘tarish turlari bo‘yicha barcha yosh toifalari o‘rtasida bellashuv o‘tkazildi.
400 dan ortiq polvonlar o‘rtasida Toshkent islom instituti 2-kurs talabasi Bobonazarov Muhammad Sodiq tosh ko‘tarish turi bo‘yicha 18-23 yoshlilar orasida 95 kg+ vazn toifasida faxrli 2-o‘rinni oldi.
Shuningdek, Muhammad Sodiq 2025 yil 26 aprel sanasida o‘tkaziladigan Jahon kubogida ishtirok etish yo‘llanmasini qo‘lga kiritdi.
Musobaqani Bahodirlar o‘yini va tosh ko‘tarish federatsiyasi prezidenti Voxiddin Najmiddinov, ginnes rekordchi va professional sportchilar kuzatib bordilar. Musobaqa yakunida g‘oliblarga Sport vazirligi tomonidan diplom va esdalik sovg‘alari topshirildi.