Kuni kecha, 30 oktyabr' kuni O'zbekiston musulmonlari idorasi raisi, muftiy Shayx Nuriddin Holiqnazar hazratlari Jizzax viloyatiga safarlari davomida “Yashil makon” umummilliy loyihasi doirasida daraxt ko'chatlari o'tqazdilar.

Aytish lozimki, yaqinda O'zbekiston musulmonlari idorasi Ulamolari Kengashining navbatdagi yig'ilishida iqlim o'zgarishining salbiy oqibatlariga befarq bo'lmaslik, tabiatni asrab-avaylash, “Yashil makon” umummilliy loyihasi doirasida kuzgi daraxt ekish ishlarini jadallik bilan amalga oshirishga alohida e'tibor qaratish zarurligi ta'kidlangan edi. Shuningdek, unda ushbu loyiha soha xodimlari o'rtasida "Tabiat – Alloh taoloning omonatidir" shiori ostida o'tkazilishi belgilab olingan edi.

O'zbekiston musulmonlari idorasi Matbuot xizmati