Rossiya islom universiteti Rossiya markaziy musulmonlar diniy idorasi va Islom madaniyati, fan va ta'limini qo'llab-quvvatlash jamg'armasi ko'magida “Yevrosiyo makonida Islom ta'limini rivojlantirish” mavzusidagi xalqaro anjuman o'tkazdi. Unda Rossiya Federatsiyasi, O'zbekiston, Qirg'iziston, Qozog'iston, Tojikiston va Belorussiya diniy idoralari, islom tashkilotlari qatnashdi.

Davra suhbatida O'zbekiston musulmonlari idorasi raisi o'rinbosari Ibrohimjon Inomov onlayn tarzda ishtirok etib, “Musulmon jamiyatida diniy ta'lim muassasalarining o'rni “O'zbekiston misolida)” mavzuidagi ma'ruza bilan qatnashdi.

Tadbirda Yevrosiyo uyushmasi Islom ta'limini targ'ib qilish, Islom ta'limining zamonaviy tizimini qurish imkoniyati vujudga kelgani ta'kidlandi. Ushbu ta'lim musulmonlarning diniy idoralari, Islom ma'naviy ma'rifiy tashkilotlari, mavzuli va ixtisoslashgan davlat muassasalari o'rtasida ikki va ko'p tomonlama aloqalar mustahkamlashga xizmat qiladi.

O'zbekiston musulmonlari idorasi Matbuot xizmati