Mutavalli va hisobchi – hisobdordir
26.10.2023
919
2 min.
Bugun poytaxtimizdagi "Shayx Zayniddin" jome masjidi majlislar zalida Toshkent shahri masjidlarida faoliyat yuritayotgan mutavallilar va hisobchilar uchun yig'ilish o'tkazildi.
Tadbirni Toshkent shahar bosh imom-xatibi Abduqahhor domla Yunusov olib borib, jumladan, bunday dedilar:
– Adolati bilan mashhur bo'lgan ikkinchi xalifa Umar ibn Hattob roziyallohu anhuning:
حَاسِبُوا أَنْفُسَكُمْ قَبْلَ أَنْ تُحَاسَبُوا. وَتَزَيَّنُوا لِلْعَرْضِ الأَكْبَرِ.
وَإِنَّمَا يَخِفُّ الْحِسَابُ يَوْمَ الْقِيَامَةِ عَلَى مَنْ حَاسَبَ نَفْسَهُ فِى الدُّنْيَا
ya'ni: “Hisobga tortilmasdan oldin o'zlaringizni hisob-kitob qiling. Buyuk nomus uchun bezaning. Kim dunyoda nafsini hisob-kitob qilgan bo'lsa, oxiratda hisobi engil bo'ladi”, degan mashhur gaplarini har bir mutavalli, muhtasib o'ziga shior qilib olishi shart.
Mutavallilar masjid ustavida belgilangan tartibda faoliyat yuritishlari lozim. Jumladan, masjidlarning har chorakda belgilangan vaqtdan kechikmasdan topshirishlari lozim bo'lgan moliyaviy hisobotlari, imom-xatibning ma'naviy-ma'rifiy tadbirlardagi ishtiroki, taftish hay'ati va umumiy yig'ilish majlis bayonnomalari, qarorlari va e'tiqod qiluvchilar sonini berishlari lozim.
Mutavallilar o'z vazifalarini yaxshi bilishlari lozim. Masjidlardagi bugungi kundagi ayrim kamchiliklar va moliyaviy muammolarning barchasi mutavallilarning, shuningdek, masjid taftish va hay'at a'zolari to'g'ri va to'liq ishlamayotgani oqibatidan kelib chiqayotgani hech kimga sir emas.
Agar taftish hay'ati to'g'ri va to'liq faoliyat yuritsa, masjidlarda ko'ngilsiz hodisalar va muammolar kelib chiqmaydi. Shuningdek, mutavallilar masjidlarga tushadigan tushumlarni aniq va to'g'ri sanoq dalolatnomalarini yuritishlari talab etiladi.
Yig'ilishda bosh imom-xatibning o'rinbosarlari Abdulloh domla Yo'ldoshev va Ergashali domla Rustamov ham so'z olib, mutavalli va hisobchilarga zarur tavsiyalar berishdi.
Tadbir so'ngida xayrli duolar qilindi.
.jpg)
MА`LUMOTNI IJTIMOIY TАRMOQLАRDА ULАSHING
Iymon 
Namoz 
Ro'za 
Zakot 
Haj 
Qur'on 
Islom saboqlari 
Aloqa 
