Shu yilning 20–25 aprel kunlari Tatariston poytaxti Qozon shahrida nufuzli Xalqaro Qur’on musobaqasi bo‘lib o‘tmoqda. Ushbu nufuzli anjumanda yurtimiz sharafini O‘zbekiston xalqaro islom akademiyasi bitiruvchisi, xushovoz qori Nizomiddin Ismoilov himoya qiladi.

Bugun, 23 aprel kuni Nizomiddin qori maslahat va ko‘rsatmalar olish maqsadida safari oldidan O‘zbekiston musulmonlari idorasining Qur’oni karim va tajvid bo‘limida bo‘ldi.

Tajribali ustoz Shayx Ali Fayzulloh Maxdum yosh qoriga tajvid nozikliklari bo‘yicha qimmatli tavsiyalarini berib, uning haqiga xayrli duolar qildi.

Alloh taolo yurtimiz bayrog‘ini baland ko‘tarishga otlangan qorimizga zafarlar yor bo‘lishini va Qur’on nuri ila yuzini yorug‘ qilishini nasib etsin!

O‘zbekiston musulmonlari idorasi

Matbuot xizmati