Muoz ibn Anas roziyallohu anhudan rivoyat qilinadi. Rasululloh sollallohu alayhi vasallam aytdilar: “Kim Qur’on o‘qisa va undagi bor narsalarga amal qilsa, Qiyomat kuni Alloh uning ota-onasiga bir toj kiydiradiki, uning nuri dunyo quyoshining nuridan ham go‘zalroqdir. Endi bunga amal qilgan kishi haqida nima deb o‘ylaysiz?!” (Imom Abu Dovud rivoyati).

Shunday ekan, behuda o‘tayotgan vaqtingizni Qur’on yodlash bilan jonlantiring. Zero, Alloh taolo huzurida Qur’on ahlining martabasidan yuqori martaba yo‘qdir.

Qur’on sohibi o‘z ahli-oilasidan do‘zax vojib bo‘lgan o‘n kishini shafoat qiladi.

Qur’on ahli sababli balolar va vabolar ko‘tariladi, yomg‘irlar yog‘adi va ular qayerda bo‘lsalar, o‘sha yerga rahmatlar nozil bo‘ladi.

Siz ham ana shunday insonlardan biri bo‘lishga harakat qiling.

Homidjon qori ISHMATBЕKOV