Buxoro viloyatidagi imom-xatiblar va imom noiblarining Qur’on qiroati hamda tajvid bo‘yicha bilim va malakalarini yanada oshirish maqsadida maxsus o‘quv kursi yo‘lga qo‘yildi.

Mazkur o‘quv mashg‘ulotlari O‘zbekiston musulmonlari idorasining “Qur’on qiroati va tajvid” fani bo‘yicha yetuk ustozlari tomonidan olib borilmoqda.

Ushbu kurs orqali ishtirokchilar Qur’on tilovatini to‘g‘ri, ravon va qoidalarga muvofiq o‘qish borasida o‘z bilimlarini mustahkamlab, amaliy ko‘nikmalarini yanada rivojlantiradilar.

Bu kabi ilmiy-amaliy mashg‘ulotlar diniy soha vakillarining malakasini oshirish, jamiyatda sof islom ta’limotlarini keng targ‘ib etishda muhim ahamiyat kasb etadi. 
 

O‘zbekiston musulmonlari idorasi

Buxoro viloyati vakilligi

Matbuot xizmati