Qoraqalpog‘iston Respublikasi Taxiatosh tumani "Do‘stlik" mahalla fuqarolar yig‘ini Beruniy ko‘chasi 17-uyda yashovchi oilaning yashash sharoiti yaxshi emas edi. Oila boshlig‘i 2017 yilda vafot etgani bois besh nafar farzand bilan yolg‘iz qolgan Mehriban Qoshimbetova hayotning og‘ir sinovlariga dosh berib kelayotgandi. 
 

Ushbu oilaga ko‘mak berish maqsadida "Vaqf" xayriya jamoat fondining Qoraqalpog‘iston Respublikasi filiali homiylarni jalb qilgan holda xayrli ishni amalga oshirdi. Mazkur manzildagi eski uy to‘liq buzilib, o‘rnida barcha zamonaviy sharoitlarga ega 4 xonali uy qurib bitkazildi. 

Kuni kecha mazkur xonadon Mehriban Qoshimbetova va uning besh nafar farzandiga tantanali holatda topshirildi.
 
Alloh taolo ehtiyojmand oilaning turmush darajasini yaxshilash, bolalarning munosib sharoitda kamol topishiga o‘z hissasini qo‘shgan, ularga bir olam xursandchilik ulashgan saxovatli homiylardan, qo‘li gul ustalardan, barcha xalqimizdan rozi bo‘lsin. 

Vaqf.uz