O'zbekistonlik olimning maqolasi “Al-Azhar” jurnalida chop etildi
24.09.2020
2358
2 min.
Vazirlar Mahkamasi huzuridagi Imom Buxoriy xalqaro ilmiy-tadqiqot markazi bugungi kunda xorijiy mamlakatlarning 30 dan ortiq nufuzli universitet va ilmiy-tadqiqot muassasalari bilan hamkorlik aloqalarini yo'lga qo'ygan.
Kelishuvlarda asosan yurtimizdan etishib chiqqan ulug' alloma va mutafakkirlar hayoti va ilmiy-ma'naviy merosini to'plash, ularni chuqur tadqiq etish, ilmiy-amaliy konferentsiyalarda ishtirok etish, yosh olimlarning o'zaro tajriba almashinuvini yo'lga qo'yish, muassasalar nashrlarida ilmiy maqolalar bilan ishtirok etish masalalariga alohida e'tibor qaratilmoqda.
Ana shu hamkorlik samarasi o'laroq, yaqinda Imom Buxoriy xalqaro ilmiy-tadqiqot markazi direktori o'rinbosari Otabek Muhammadiyevning “Moturidiylik maktabi va ahli sunna ta'limotining yoyilishi” mavzusidagi ilmiy maqolasi Misrning “Al-Azhar” jurnalida chop etildi.
Mazkur jurnal islom olamida muhim o'rin tutib kelayotgan “Al-azhar” universitetining ilmiy nashri hisoblanadi.
Maqola Movarounnahrda moturidiylik ta'limotining shakllanish tarixiga bag'ishlangan bo'lib, unda kalom ilmining asoschisi, buyuk mutakallim Imom Abu Mansur Moturidiy hayoti va ilmiy-ma'naviy merosi, ustoz va shogirdlari, moturidiylik ta'limotiga hanafiylik mazhabining g'oya va qarashlariga tayangan holda asos solinganligi, mazkur ta'limotning Movarounnahr hududi va undan tashqarida keng yoyilishida o'zining benazir hissasini qo'shgan ajdodlarimiz hayoti va ilmiy merosi haqida so'z yuritilgan.
Ta'kidlash lozimki, yurtimiz yosh olimlarining xorijiy nashrlarda ilmiy maqolalar bilan ishtirok etishi xorijiy mamlakatlardagi ilm ahlini ajdodlarimizning boy ilmiy-ma'naviy merosi bilan yaqindan tanishtirishda muhim ahamiyat kasb etadi.
O'zA
MА`LUMOTNI IJTIMOIY TАRMOQLАRDА ULАSHING
Iymon 
Namoz 
Ro'za 
Zakot 
Haj 
Qur'on 
Islom saboqlari 
Aloqa 
