Mamluklar davridagi Qur'oni karim taqdimoti
Muborak Ramazon oyi munosabati bilan Sharqiy san'at xalqaro auktsion uyi qadimiy Islom asarlari, jumladan, eng qadimiy qo'lyozma va kulolchilik buyumlarini taqdim etdi.
“IQNA” saytining “Sada Elbalad”ga tayanib xabar berishicha, Islom san'ati auktsionida XIV-XV asrlar, ya'ni Mamluklar davriga oid 42 evrolik yirik Mushafi sharif sotildi.
Ushbu qo'lda yozilgan Qur'oni karim o'zining katta hajmi bilan to'liq va hayratlanarli va juda kam uchraydi XIV asr va XV asr boshlarida mamluk sultonlari va vazirlari orasida juda katta hajmdagi qo'lda yozilgan Qur'on kitoblarni yozish keng tarqalgan edi. Ilgari Shimoliy Afrika yoki Uzoq Sharqdan 9 asrga oid Kufiy Mushaf qismlari ushbu auktsionda 1000–1200 evroga baholangan edi.
Eslatib o'tamiz, avvalroq “Sotheby's” yumaloq sariq va qizil halqalar bilan bezatilgan islomiy san'at, jumladan Qur'on sahifalari va oyatlarini namoyish etgan. Qur'on suralarining sarlavhalari qizil rang bilan belgilangan, Qur'onning qo'shimcha chekka matnlari sariq, qizil va qora ranglar bilan ajralib turadi va ushbu Mushaf 15ming – 25 ming funt sterlingga baholanadi.
O'zbekiston musulmonlari idorasi Matbuot xizmati
Namozim buzildimi?
Savol: Masjiddagi jamoatda ba’zan oldingi safdagi odamning kiyimi kalta bo‘lgani uchun sajdada orqasi qisman ochilib qoladi va bexosdan unga ko‘zimiz tushib qoladi. Shu holatda tahorat yoki namozimiz buzilmaydimi?
Javob: Bismillahir Rohmanir Rohiym. Ulamolar tahorat va namozni buzuvchi omillarni birma-bir sanaganlar. Ular ichida birovning avratiga ko‘z tushib qolish sababli buziladi, degan gap yo‘q. Birovning, xoh ayolning, xoh erkakning avratiga qarash sababli bavl yoki biror suyuqlik chiqmasa, tahorat sinmaydi. Ammo bu degani qarash, nazar solish mumkin ekan, deb tushunmaslik kerak. Chunki bunday ishlar aslo mumkin emas.
Bir narsani yodda tutish lozimki, namoz o‘qish uchun tayyorlanayotgan inson namoz o‘qish asnosida avratlari ochilib qolmasligining chorasini ko‘rishi kerak bo‘ladi. Chunki bir rukn (farz amali) miqdoricha avratining to‘rtdan biri ochilib tursa, uning namozi buziladi. Vallohu a’lam.
O‘zbekiston musulmonlari idorasi
Fatvo markazi
- «
- »