Poyoniga etib borayotgan Mehr va muruvvat oyi bo'lgan Ramazonning so'nggi kunlarida bir qator musulmon davlatlari mamlakatimizda umrguzaronlik qilayotgan kam ta'minlangan, ehtiyojmand oilalar uchun oziq-ovqat mahsulotlari, kitoblardan iborat xayr-ehsonlarni ajratib kelmoqda.

Hususan, yaqinda Saudiya Arabistonining mamlakatimizdagi elchixonasi tomonidan “Vaqf” xayriya jamoat fondiga hurmo mahsulotlari topshirildi. Bu jarayonda Saudiya Arabistoni podshohligining O'zbekistondagi favqulodda va muxtor elchisi o'rinbosari Humud Turkiy al Mutayriy, mazkur davlatning islom ishlari vazirligi xodimi Muborak Hamad Ol Hanaya, elchixona xodimi Badr Tarohib al Utaybiy, “Vaqf” xayriya jamoat fondi boshqaruv rahbari Isoxon Abdullayev va fondning xalqaro aloqalarni rivojlantirish bo'yicha mutaxassisi Mirjalol Qosimov ishtirok etdi.

Ayni paytda mazkur xayr-ehson qutilari respublika bo'ylab tarqatilib, o'z egalariga etkazilmoqda.