Bugun O‘zbekiston xalqaro islomshunoslik akademiyasida "Hijriy VII asr qo‘lyozmalari: tarix, siyrat va vaqflar" mavzusidagi xalqaro ilmiy-amaliy konfensiyasi o‘z ishini boshlandi. 

Joriy yilning 9-10 sentyabr kunlari Toshkent va Samarqand shaharlarida o‘tkazilayotgan mazkur anjuman bugunga qadar Jazoir, Turkiya, Ispaniya, Tunis hamda Buyuk Britaniyada tashkil etilgan.

Ushbu anjuman Turkiyaning Sulton Ahmad vaqfi huzuridagi Qo‘lyozmalarni tadqiq qilish "Dorul maxtutot" markazi, Din ishlari bo‘yicha qo‘mitasi, O‘zbekiston xalqaro islomshunoslik akademiyasi, Imom Moturidiy, Imom Buxoriy xalqaro ilmiy-tadqiqot markazlari va boshqa xalqaro ilmiy-ma’rifiy muassasalar hamkorligida o‘tkazilmoqda.

Konferensiya avvalida Sulton Ahmad vaqfi huzuridagi Qo‘lyozmalarni tadqiq qilish "Dor al-Maxtutot" markazi direktori, professor Mahmud Ahmad Misriy, Sulton Ahmad vaqfi rahbari Ismoil Haqqiy Tumon, O‘zbekiston Respublikasi Prezidentining vakillik organlari, nodavlat notijorat tashkilotlar, din va yoshlar masalalari bo‘yicha maslahatchisi o‘rinbosari, O‘zbekiston xalqaro islomshunoslik akademiyasi rektori Muzaffar Kamilov hamda Din ishlari bo‘yicha qo‘mita raisining birinchi o‘rinbosari Davronbek Maxsudov tabrik nutqi bilan ochib berishdi.

Anjumanda Saudiya Arabistoni, Birlashgan Arab Amirliklari, Kuvayt, Iordaniya, Turkiya, Buyuk Britaniya, Marokash, Jazoir, Tunis, Misr kabi davlatlardan 60 dan ziyod taniqli manbashunos olimlar, mutaxassislar va yosh tadqiqotchilar ishtirok etmoqda. 

O‘zbekiston musulmonlari idorasi
Matbuot xizmati