Sayt test holatida ishlamoqda!
05 Iyun, 2025   |   9 Zulhijja, 1446

Toshkent shahri
Tong
03:08
Quyosh
04:51
Peshin
12:27
Asr
17:35
Shom
19:56
Xufton
21:32
Bismillah
05 Iyun, 2025, 9 Zulhijja, 1446

XUSHXABAR: Yangi yillik taqvim nashrdan chiqdi!

19.08.2020   3318   2 min.
XUSHXABAR: Yangi yillik taqvim nashrdan chiqdi!

Quvonchli voqea shuki, ko‘p yillardan buyon O‘zbekiston musulmonlari idorasi tomonidan chop etib kelinayotgan ishonchli taqvim kitobi nashrdan chiqdi.

Ushbu taqvim kitobi bir necha o‘n yillar davomida mo‘min-musulmonlarning eng muhim qo‘llanmasiga aylanib, xalqimizning o‘ta ishonchli manbasi hisoblanadi.

Ta’kidlash keraki, yangi 1442 hijriy yil uchun (2020-2021 mil.) taqvim kitobi Markaziy Osiyodagi ulamolar, fatvo hay’atlari hamda Astronomiya instituti mutaxassislari tomonidan puxta ishlab chiqilib, har bir jihatga jiddiy e’tibor qaratilgan holda namoz vaqtlari nihoyatda aniqlik va daqiqlik bilan ko‘rsatildi.

Bugundan, “Shamsuddinxon Boboxonov” nashriyot-matbaa ijodiy uyi tomonidan maxsus himoya belgisi bilan yangi yillik taqvim kitobi sotuvga chiqdi. Ushbu taqvimga Din ishlari bo‘yicha qo‘mitaning ijobiy xulosasi ham olingan.

Besh vaqt namozning aniq vaqtlari, dinimiz ahkomlari, hijriy oylar fazilati, ulug‘lar o‘giti va nasihatini o‘z ichiga olgan, yangi shakl va yuqori dizayndagi yillik taqvimni xarid qilishga shoshiling!

Eslatma, namoz o‘z vaqtida farz ekanini inobatga olgan holda ishonchli taqvimni xarid qilish muhimdir. Shariatimizda namoz vaqtlari Quyoshning chiqishi, qiyomga kelishi va botishi holatlari bilan bog‘liqligi alohida qayd etilgan. Mazkur taqvimda aynan mana shu jihatlarga juda ham katta e’tibor qaratilgan.

O‘z navbatida, noqonuniy va yashirin yo‘llar yoki nusxa ko‘chirish orqali ko‘paytirilgan namoz vaqtlarini xarid qilishdan ehtiyot bo‘ling, ularning to‘g‘riligiga hech kim kafolat bermaydi! 

Aziz o‘quvchilar, ishonchli, mazmundor va har tomonlama sifatli taqvimni respublikamizdagi barcha kitob do‘konlaridan xarid qilishingizni tavsiya etamiz. Nashriyotimizning o‘zidan sotib olsangiz, istalgan uslubda yanada qulay va arzon narxlarda olishingiz mumkin.

 

Murojaat uchun telefonlar:

Ish: 71-227-34-30

Uyali: 90-934-04-20

«Shamsuddinxon Boboxonov» NMIU

 

O‘zbekiston musulmonlari idorasi Matbuot xizmati

O'zbekiston yangiliklari
Boshqa maqolalar
Maqolalar

INSON QADRINING YANA BIR YAQQOL IFODASI

04.06.2025   7137   2 min.
INSON QADRINING YANA BIR YAQQOL IFODASI

Munosabat

Insonning qalbi birgina shirin so‘zdan quvonib, to‘lqinlanib ketadi: yayraydi, yashnaydi, boshqalarga ham ezgulik sog‘inadi, shodlik va baxt ulashadi.

Joriy yilning 31 may sanasida Prezidentimiz Shavkat Mirziyoyev Haj ziyorati uchun Makkai mukarramada bo‘lib turgan O‘zbekiston musulmonlari idorasi raisi, muftiy shayx Nuriddin Xoliqnazar bilan telefon orqali muloqot qilib, hojilar holidan xabar olgani qalblarimizga surur, xursandchilik va shukronalik baxsh etdi. Davlatimiz rahbari barcha ziyoratchilarga salom yo‘llab, yurtimizga sog‘-omon kelishlarini tiladi. Unutilmas bu voqelik hojilarimizni behad sevintirdi.

Shukrki, mamlakatimizda tinchlik-totuvlik barqaror. Har bir inson hayotdan rozi bo‘lib, baxtli-saodatli umr kechirishi uchun barcha imkoniyatlar mavjud. Mehnat qilgan, harakat qilgan farovon hayot kechirmoqda. O‘z orzu niyatlariga yetmoqda. Albatta, bunda osoyishtalik ne’matining o‘rni beqiyos.

Yangi O‘zbekistonning har tongi taraqqiyot tongi sifatida otmoqda. Barcha sohalarda yangilik va yaxshiliklar bo‘lmoqda. Jumladan, Haj va Umra tadbirlarini yuqori saviyada tashkil etish, mo‘min-musulmonlarning ushbu ibodatlarini chiroyli ado etishlari uchun sharoit va qulayliklar yangi bosqichga olib chiqildi.

Xususan, bu yilgi haj mavsumiga yuqori darajada tayyorgarlik ko‘rildi. Makkai mukarrama hamda Madinai munavvara, qolaversa, Mino vodiysida ziyoratchilar uchun barcha sharoit hozirlandi. Issiq kunlarda yurtdoshlarimizga qo‘shimcha qulaylik yaratish maqsadida Arafot hududidagi chodirlar yopiq tarzda barpo etildi. Ularning atrofi issiq o‘tkazmaydigan panellar bilan o‘raldi, ichkariga sovutish tizimi o‘rnatildi, gilam va to‘shaklar solindi.

Mamlakatimiz hojilariga ko‘rsatilayotgan e’tibor, ular uchun yaratilgan qulayliklarni Saudiya Arabistonining haj ishlari mas’ullari va o‘zga yurt hojilari ham e’tirof etib, havas bilan qaramoqda.

Ayni paytda ziyoratchilarga 300 dan oshiq guruh rahbari, 50 nafar oliy toifali shifokor, 10 dan ziyod oshpaz va boshqa mutaxassislar xizmat ko‘rsatib, hamrohlik qilmoqda.

Ziyoratchilarimiz berilayotgan e’tibor va g‘amxo‘rlikdan mamnun bo‘lib,  Yaratgandan mamlakatimiz tinchligi, xalqimiz farovonligini so‘rab duo qilmoqda.

Zotan, yurtimizda “Inson qadri uchun” degan ulug‘vor g‘oya barcha islohotlarning asosini tashkil etayotgan ayni pallada hojilarimiz ham ushbu jarayonga o‘z hissalarini qo‘shish, yurtimizga qaytgandan so‘ng bor kuch-g‘ayratlarini yurt tinchligi va taraqqiyoti, oilalar totuvligini ta’minlash, yoshlar ta’lim-tarbiyasi bilan shug‘ullanish, ehtiyojmandlarga ko‘mak berishdek savobli ishlarga safarbar etishlarini ta’kidlamoqdalar.

 

Zayniddin ESHONQULOV,

O‘zbekiston musulmonlari idorasi raisi

o‘rinbosari.

Maqolalar