Saudiya Arabistonining Pol'shadagi elchisi ushbu mamlakat muftiysiga qirol sovg'asi – 3700 nusxada Qur'on kitobini hadya qildi.

“IQNA” saytining “al-Yavm” nashriga tayanib xabar berishicha, Saudiya Arabistonining Pol'shadagi favqulodda va muxtor elchisi Saad as-Solih Pol'sha muftiysi Tomas Miskovichga ushbu mamlakat qiroli hadyasini, jumladan 3700 nusxada Qur'oni karim kitobini hadya sifatida taqdim qilgan.

Qur'oni karim ma'nolarining polyak tilidagi tarjimasi kitobi nusxalari turli o'lchamlarda podshoh Fahd majmuasi nashriyotida chop etilgan.

Saudiya Arabistonining Pol'shadagi elchisi ushbu hadya taqdim etilishidan xursandligini bildirgan holda, bu harakatni Qirollikning xorijdagi elchixonalari bilan hamkorlikda Qur'oni karimga xizmat qilish borasida Saudiya Arabistoni Islom ishlari, da'vat va irshod vazirligi rejalari doirasidagi buyuk qadamdir deb sanadi.

As-Solihning so'zlariga ko'ra, Qur'oni karimning ushbu nusxasi uning polyak tilidagi tarjimasi bilan birga Pol'shadagi masjidlar va Islom markazlarida tarqatiladi.

Pol'sha Respublikasi muftiysi Tomas Miskovich ham ushbu xayrli tuhfa uchun minnatdorchilik bildirdi.

Shuningdek, “Qirol Fahd” majmuasining Qur'oni karim kitobini nashr etish borasidagi faoliyatini yuqori baholadi.

 O'zbekiston musulmonlari idorasi Matbuot xizmati