O‘zbekiston musulmonlari idorasi tomonidan xalq bilan to‘g‘ridan to‘g‘ri muloqotni yo‘lga qo‘yish va fuqarolarning diniy-ijtimoiy masalalariga yechim topish borasidagi ishlar tizimli ravishda davom ettirilmoqda.

Xususan, bugun, 21 oktyabr kuni Diniy idora raisi o‘rinbosari Zayniddin domla Eshonqulov fuqarolarni qabul qilib, ularning murojaatlarini yaqindan tingladi.

Uchrashuv davomida masjidlarning bugungi holati, imom-xatiblarning faoliyati, shuningdek, haj safari va moddiy ko‘makka oid masalalar atroflicha muhokama qilindi.

Qabul jarayonida har bir insonga alohida e’tibor qaratilib, shar’iy savollar yuzasidan kerakli tavsiyalar berildi. Ijtimoiy va moddiy yordam so‘rab kelganlarga esa amaliy ko‘mak ko‘rsatildi.

Ahamiyatlisi shundaki, bu kabi yuzma-yuz va ochiq muloqotlar nafaqat markaziy idorada, balki yurtimizdagi barcha jome masjidlarda ham yaxshi an’anaga aylangan.

Joylarda har haftaning chorshanba kunlari imom-domlalar tomonidan aholi qabullari o‘tkazilib, fuqarolarni o‘ylantirayotgan masalalarga o‘z vaqtida yechim topilmoqda.

O‘zbekiston musulmonlari idorasi Matbuot xizmati