Sayt test holatida ishlamoqda!
10 Yanvar, 2025   |   10 Rajab, 1446
search icon
Avvalgi sayt
ЎЗ РУ EN AR

Toshkent shahri
Tong
06:24
Quyosh
07:48
Peshin
12:36
Asr
15:32
Shom
17:16
Xufton
18:35
Bismillah
10 Yanvar, 2025, 10 Rajab, 1446
Avvalgi sayt
#search
 YouTube

Misrda Qur'on iste'dodlarining xalqaro tanlovi boshlandi

25.04.2024   675   2 min.
Misrda Qur'on iste'dodlarining xalqaro tanlovi boshlandi

 

Misrdagi Qur'oni karim iste'dodlarining xalqaro tanlovi 20 aprel' kuni Sharm ash-Shayx shahrida joylashgan “Sahoba” masjidida mamlakat Vaqflar va islom ishlari vaziri, doktor Muhammad Muxtor Juma ishtirokida boshlandi. Bu haqda IQNAning “Al-Ahrom”ga tayanib xabar berdi.  

Ushbu marosimning ochilishida Misr Vaqflar va islom ishlari vaziri, doktor Muhammad Muxtor Juma bunday dedi: “Ushbu tanlov Qur'on va islom madaniyatining mohir hofizlarini qabul qilish va rag'batlantirish, butun dunyo bo'ylab ularni Misrning Qur'onga xizmat qilish, oqilona va ma'rifiy diniy qarashlarni tarqatish bo'yicha ilg'or tajribalari bilan tanishtirish hamda Qur'on ilmining eng yaxshi talabalarini rag'batlantirish maqsadida o'tkazilmoqda”.

Janubiy Sinay viloyati hokimi Holid Fuda ham ochilish marosimida bunday dedi: “Sahoba masjidi Sharm ash-Shayx masjidlarining ramzi sanaladi va uni Sharqning madaniy va tsivilizatsiya nurlari chirog'i sifatida ta'riflash mumkin. Bu shahar o'zining noyob va ajoyib me'morchiligi bilan, bu masjid turistik diqqatga sazovor joy bo'lib, masjidda tadqiqotchi va talabalar tomonidan foydalaniladigan qimmatbaho kutubxona va islom madaniyati markazi ham bor”.

Eslatib o'tamiz, Misrning Qur'on iste'dodlari xalqaro tanlovi ikki bosqichda o'tkaziladi:

Dastlabki bosqich 650 ming evro miqdoridagi sovrinlarni o'z ichiga oladi, shundan birinchi toifa g'oliblari uchun 125 ming funt, ikkinchi toifa uchun 125 ming funt, uchinchi toifa uchun 100 ming funt, to'rtinchi toifa uchun 150 ming funt va beshinchi toifa uchun 150 ming funt sterling xalqaro musobaqalarda har bir yo'nalish bo'yicha birinchi va ikkinchi o'rinlarni egallaganlar uchun taqdim etiladi.

Ushbu musobaqalarning ikkinchi bosqichida 2 million 300 ming funt sterling miqdoridagi sovrinlar ham o'rin olgan bo'lib, shundan birinchi toifadagi g'oliblar uchun 500 ming funt sterling, ikkinchi toifa uchun 500 ming funt sterling, uchinchi toifa uchun 250 ming funt sterling, to'rtinchi toifa uchun 300 ming funt sterling, beshinchi toifa uchun 500 ming funt sterling va 300 ming funt rag'batlantiruvchi mukofot topshiriladi.

O'zbekiston musulmonlari idorasi xodimi

Ilyosxon Ahmedov tayyorladi.

Dunyo yangiliklari
Boshqa maqolalar

Farzand tarbiyasiga oid 6 oyat

9.01.2025   2580   2 min.
Farzand tarbiyasiga oid 6 oyat

Luqmoni Hakim o‘z o‘g‘illariga qilgan nasihatlari Qur’oni karimda keltiriladi.


Nasihatning eng birinchisi – shikrdan qaytarish.

“Ey, o‘g‘ilcham! Allohga shirk keltirmagin! Chunki shirk ulkan zulmdir” (Luqmon surasi, 13-oyat).

Shirk eng og‘ir zulm, eng qabih jaholat va eng katta gunoh sanaladi.


Nasihatning ikkinchisi – ota-onaning haqqini ado etish.

“Agar ular (ya’ni ota-onang) seni o‘zing bilmagan narsalarni Menga sherik qilishga zo‘rlasalar, u holda ularga itoat etma! Ularga (garchi kofir bo‘lsalarda) dunyoda yaxshi muomalada bo‘lgin” (Luqmon surasi, 15-oyat).

Ota-ona hatto mushrik bo‘lsalar-da, ularga qo‘pol munosabatda bo‘lmaslik talab etiladi.


Nasihatning uchinchisi – Alloh oshkor maxfiy har bir narsa bilib turuvchi Zot.

“Ey, o‘g‘ilcham! Shubha yo‘qki, agar xantal (o‘simligining) urug‘idek (yaxshi yoki yomon amal qilinadigan) bo‘lsa, bas, u (amal) biror xarsang tosh ichida yo osmonlarda yoki yer ostida bo‘lsa, o‘shani ham Alloh keltirur. Zero, Alloh lutfli va ogoh zotdir” (Luqmon surasi, 16-oyat).


Nasihatning to‘rtinchisi – namoz, amri ma’ruf, nahyi munkar va sabr.

“Ey, o‘g‘ilcham! Namozni barkamol ado et, yaxshilikka buyur va yomonlikdan qaytar hamda o‘zingga yetgan (balolar)ga sabr qil!...” (Luqmon surasi, 17-oyat).


Nasihatning beshinchisi – ochiq yuzli, shirin so‘zli, tavoze’li bo‘lish, kibrlanmaslik.

“Odamlarga (kibrlanib) yuzingni burishtirmagin va yerda kerilib yurmagin! Chunki Alloh barcha kibrli, maqtanchoq kimsalarni suymas” (Luqmon surasi, 18-oyat).


Nasihatning oltinchisi – baqir-chaqir qilmaslik.

“(Yurganingda) o‘rtahol yurgin va ovozingni past qilgin! Chunki ovozlarning eng yoqimsizi eshaklar ovozidir” (Luqmon surasi, 19-oyat).

 

Davron NURMUHAMMAD