“Haj safari uchun sanoqli joylar qoldi!”, “Bizning firma bilan haj qiling!”, “Haj uchun yarim narxni toʻlang!”
Ayni kunlarda ijtimoiy tarmoqlarda shu kabi jimjimador sarlavha ostidagi reklamalar koʻpaymoqda.
Yodingizda tuting! Saudiya Arabistonida Haj amallarini bajarish uchun sizda “Haj-2024” vizasi boʻlishi shart.
Din ishlari boʻyicha qoʻmita
Axborot xizmati
Yurtimizda milliy sport turlarini ardoqlash va sog‘lom turmush tarzini targ‘ib qilish maqsadida O‘zbekiston musulmonlari idorasi tomonidan "Muftiy kubogi" musobaqasiga start berilgan edi.
Shu yil 28 mart kuni Surxondaryo viloyati bosh imom-xatibi Rasuljon domla Abdullayev boshchiligida viloyatdagi masjid imom-xatiblari va noiblari o‘rtasida milliy kurash bo‘yicha saralash bosqichlari o‘tkazildi.
Bellashuvlar kutilganidan ham qizg‘in va shiddatli kechdi. Din xizmatida bo‘lgan ulamolarimiz bu gal maydonda o‘zlarining jismoniy mahoratlarini namoyish etdilar.
Tadbir yakunida viloyat bosh imomi vohamizning alp o‘g‘lonlari haqiga xayrli duolar qilib, ularning kelgusi bosqichlarda ham qo‘llari baland bo‘lishini tiladilar.
Surxondaryo viloyati vakilligi
Matbuot xizmati