Saudiya Arabistoni rasmiylari o'tgan haftada muqaddas qadamjolarga tashrif buyurish bo'yicha statistika bilan o'rtoqlashdi.
Mamlakatning Ikki masjid masjidi ishlari bo'yicha bosh boshqarmasi ma'lumotiga ko'ra, o'tgan haftada 5,9 milliondan ortiq ziyoratchi Payg'ambarimiz masjidiga tashrif buyurgan, deb yozadi “IslamNews” “Abna” nashriga tayanib.
Statistikaga ko'ra, Muhammad solallohu alayhi vasallam qabrlarini 598.939 kishi ziyorat qilgan. Ravzai Sharifda 254 209 nafar kishi namoz o'qigan. Jumladan, hafta davomida 9 172 nafar keksa ziyoratchi va imkoniyati cheklangan insonlar Payg'ambarimiz sallollohu alayhi vasallam qabrini ziyorat qildi.
157 464 nafar ziyoratchi xorijiy tillardan tarjima xizmatlaridan foydalangan bo'lsa, 12 884 nafari ma'lumot olish uchun masjid kutubxonasiga murojaat qilgan. Shuningdek, ziyoratgoh mehmonlariga 180 mingdan ortiq idishda zamzam suvi tarqatildi.
O'zbekiston musulmonlari idorasi
Matbuot xizmati
Din ishlari bo‘yicha qo‘mita, Millatlararo munosabatlar va xorijdagi vatandoshlar masalalari bo‘yicha qo‘mitasi hamda qator vazirlik va idoralar hamkorligida 16 noyabr – Xalqaro bag‘rikenglik kuni munosabati bilan joriy yilning 10-15-noyabr kunlari respublikaning barcha hududida "Bag‘rikenglik haftaligi" o‘tkaziladi.
Haftalikni o‘tkazishdan ko‘zlangan maqsad – mamlakatimizda millatlararo totuvlik, dinlararo hamjihatlik va bag‘rikenglik muhitini yanada mustahkamlash, fuqarolar o‘rtasida o‘zaro hurmat va birdamlik fazilatlarini targ‘ib etishdan iborat.
Haftalik doirasida viloyatlar va Toshkent shahridagi nufuzli tomosha maydonlari, so‘lim hiyobonlar va bog‘larda turli madaniy, ilmiy-amaliy va ma’rifiy tadbirlar, "O‘zbekiston – bag‘rikeng diyor" shiori ostida konsert dasturlari, foto ko‘rgazmalar, qardosh xalqlar yozuvchi-shoir va rassomlarining badiiy asarlari taqdimoti, turli ekskursiyalar, sport o‘yinlari, intellektual va boshqa turdagi musobaqalar o‘tkaziladi.
Barcha yurtdoshlarimizni bag‘rikenglik, hamjihatlik va totuvlik bayramini birgalikda nishonlashga chorlaymiz!
Din ishlari bo‘yicha qo‘mita Axborot xizmati