Shu yil 13 may kuni Toshkent shahar Shayxontohur tumani “Shayx Zayniddin” jome masjidida poytaxtimizda faoliyat yuritayotgan otinoyilar ishtirokida tadbir bo'lib o'tdi. 

Unda Toshkent shahar bosh imom-xatibi Abduqahhor domla Yunusov, bosh imom-xatib o'rinbosari Ergashali domla Rustamov, Diniy idora Hotin-qizlar masalalari bo'yicha bo'lim mudirasi Mohira Zufarova, Toshkent shahar bosh imom-xatibining xotin-qizlar masalalari bo'yicha yordamchisi Zulayho Soatova ishtirok etdi. 

Tadbirda so'zga chiqqanlar diniy soha xodimlari, jumladan, otinoyilarning jamiyat rivojidagi o'rni beqiyos ekani, ularning dinimiz ta'limotini keng ommaga etkazish borasidagi mas'uliyatli vazifalari, jaholatga qarshi ma'rifat kurashish lozimligi, soha vakillari biror masalani chuqur o'rganmasdan noto'g'ri fatvo berishdan saqlanish va bid'at-xurofotlarning oldini olish borasida o'z tavsiyalarini berdi. 

Shuningdek, dinimizning beshinchi ustuni bo'lgan haj arkonini ado etish, uning asl mohiyati, ayollarga xos bo'lgan masalalar va safar odoblarini ziyoratchilarga tushuntirish lozimligiga urg'u qaratdi. 

Tadbir so'ngida otinoyilar o'zlarini qiziqtirgan masalalar yuzasidan soha mutasadilaridan atroflicha javob oldi. 

O'zbekiston musulmonlari idorasi

Matbuot xizmati