Bugun Toshkent viloyati Ma'naviyat va ma'rifat markazi majlislar zalida viloyatda faoliyat yuritayotgan otinoyilar uchun yig'ilish o'tkazildi.

Tadbirda Toshkent viloyati bosh imom-xatibi Jasurbek domla Raupov otinoyilarga bu yil hajga boradigan ayollar o'rtasida hajning mohiyati, ruknlari, ehrom man etgan ishlar haqida batafsil ma'lumot berish zarurligini tushuntirdi.

Shuningdek, tadbirda otinoyilar oldida turgan muhim vazifalar, xususan, mahallabay ishlash tizimini yanada jonlantirish, oilalarni yarashtirish masalalari ham muhokama qilindi.

 Adashib Islom diniga yot turli oqimlar ta'siriga tushib qolgan, biroq xatosini anglab etib, chin tavba qilgan xotin-qizlarga dinimizning sof ta'limotini etkazish zarurligi qayd etildi.

 Yig'ilish so'ngida otinoyilarning savollariga atroflicha javoblar qaytarildi.

Toshkent viloyati vakilligi
Matbuot xizmati