14 may kuni Namangan viloyat bosh imom-xatibi Musoxon domla Abbasiddinov rahbarligida Yangiqo'rg'on tumanida faoliyat ko'rsatayotgan masjidlar imom-xatib, imom-noib va mutavallilari ishtirokida sayyor yig'ilish bo'lib o'tdi.
Majlisda bugungi kunda diniy sohada juda katta islohotlar amalga oshirilayotgani, o'z navbatida imom-xatiblik sharafli va mas'uliyatli vazifa ekani, bugungi kun imomi zamonga ziyraklik bilan qarashi, o'zining ustida muntazam ishlashi va mo'min-musulmonlarning ehtiyojlarini qondirish uchun tinimsiz izlanib, xizmat qilishlari zarurligiga alohida urg'u qaratildi.
Jumladan, masjidlar imom-xatib va imom-noiblarini ish davomati, funktsional vazifalarini bajarish, kiyinish madaniyatiga rioya qilish bo'yicha shaxsiy namuna bo'lishi lozimligi hamda Fuqoralarni qabul qilish kunini ham sifatli qabul qilishni aytib o'tildi.
Shuningdek, shu kuni O'MI Namangan viloyat vakili Musoxon domla Abbosiddinov boshchiligida tuzilgan maxsus ishchi guruh a'zolari Yangiqo'rg'on tumanidagi «Abdulloh», «Bahouddin pirim», «Dorussalom», «Beshbuloq» masjidlarining ozodaligi, hujjatlari yuritilishi, qurilish-ta'mirlash ishlarini ko'zdan kechirib, aniqlangan kamchiliklarni bartaraf etish bo'yicha topshiriqlar berildi.
*****
Namanagan viloyati Davlatobod tumanidagi Madaniyat markazida viloyatda faoliyat yuritayotgan otinoyilar uchun navbatdagi o'quv-seminar o'tkazildi. Unda oila muqaddasligi, milliy va diniy qadriyatlar, bid'at-xurofot, Islom shariatida fiqhiy atamalar tasnifi, oilada ayollarning huquq va burchlari, qaynona-kelin munosabatlari kabi mavzularda ma'ruzalar qilindi.

O'zbekiston musulmonlari idorasi Matbuot xizmati