Shayton fitnasiga qarshi 10 duo
Shayton – insonning eng xavfli dushmani. Unga ergashish ikki dunyoda ham baxtsizlik, afsus-nadomatga sabab bo'ladi. Shayton bandani Allohning roziligidan uzoqlashtirish va Uning rahmatidan mahrum qilish uchun doimo harakat qiladi. Qanday qilib shaytonning fitnalaridan himoyalanish va uning vasvasalariga ergashmaslik kerak? Quyidagi sura va duolarni muntazam o'qib yurish sizni undan uzoqlashtiradi:
1. A'uzu billahi minash shaytonir rojiym.
2. Oyatul kursiy.
3. Yosin surasi.
4. Ixlos, falaq, naas suralari.
5. "Astag'firulloha Robbiy min kulli zanbin va atubu ilayh".
(Ma'nosi: Har bir gunoh ishdan Allohga istig'for aytaman va unga tavba qilaman).
6. "A'uuzu bi kalimaatillaahit-taammaati min kulli shaytonin va haammatin va min kulli 'aynin laammatin".
(Ma'nosi: Allohning mukammal kalimalari bilan har bir shaytondan, zararli hasharotlardan va yomon ko'zdan panoh tilayman).
7. "A'uuzu bi kalimaatillaahit-taammaati min sharri maa xolaq".
(Ma'nosi: Allohning mukammal so'zlari bilan yaratganlarining yomonligidan panoh tilayman).
8. "Bismillahi tavakkaltu 'alallohi va laa havla va laa quvvata illa billah".
Allohning ismi ila, Allohga tavakkal qilgan holda. Harakat va quvvat faqat Allohning irodasi bilan bo'ladi.
9. "Allohumma anta Robbiy laa ilaha illa anta xolaqtaniy va ana 'abduka va ana 'ala 'ahdika va va'dika mastato'tua'uzu bika min sharri ma sona'tu, abu`u laka bini'matika 'alayya va abu`u bizambiy fag'firliy fainnahu laa yag'firuz zunuba illa anta".
(Ma'nosi: Allohim, Sen Robbimsan, Sendan boshqa iloh yo'q. Meni yaratding va men Sening qulingman. Senga bergan va'damda va ahdimda qodir bo'lgunimcha turibman. Qilgan ishlarimning yomonidan Sening noming bilan panoh tilayman. Menga ato qilgan ne'matlaringga iqror bo'ldim. Gunohlarimga ham iqror bo'ldim. Mening gunohlarimni kechir. Chunki Sendan boshqasi gunohlarni kechira olmaydi.)
10. "Asbahnavaasbahalmulkulillah, valhamdulillah, laailahaillallohuvahdahulaashariykalahu".
(Ma'nosi: Tong ottirdik, mulk ham Allohniki bo'lgan holda tong ottirdi. Barcha hamdlar Allohgadir. Allohdan o'zga iloh yo'q. U Zot yagona, sherigi yo'qdir.)
Davron NURMUHAMMAD
Xalqaro forum: Islomiy moliya va sukuk bozorlari diqqat markazida
Bugun, 16 iyun kuni poytaxtimizda start olgan «Investitsiyalar barqarorligi: yangi ufqlar, yangi hamkorliklar» mavzusidagi Beshinchi Toshkent xalqaro investitsiya forumi doirasida «Toshkent» zalida muhim panel sessiyasi bo‘lib o‘tdi.
«Islomiy moliya va sukuk bozorlari: Ko‘rfaz kapitalini rivojlanayotgan iqtisodiyotlarga yo‘naltirish» mavzusiga bag‘ishlangan ushbu sessiyada xalqaro va mahalliy ekspertlar, moliyaviy tashkilotlar va davlat sektori vakillari ishtirok etdi.
Bugungi kunda jahon islomiy moliya bozorining hajmi 3 trillion AQSH dollaridan oshib ulgurdi. Sessiya davomida islomiy moliyaning asosiy vositalari hisoblangan sukuk (islomiy obligatsiyalar), takaful (islomiy sug‘urta) va shariat tamoyillariga muvofiq bo‘lgan boshqa moliyaviy tuzilmalar rivojlanayotgan bozorlar, xususan, O‘zbekiston iqtisodiyoti va infratuzilma loyihalariga suveren kapitalni jalb qilishda qanday rol o‘ynashi mumkinligi atroflicha tahlil qilindi.
Islom taraqqiyot bankining O‘zbekistondagi vakili Xusan Xasanov moderatorlik qilgan davra suhbatida yangi moliyaviy mahsulotlar dizaynini yaratish, milliy qonunchilik va tartibga solish tizimini xalqaro shariat standartlari bilan uyg‘unlashtirish hamda yangi emissiyalarga institutsional investorlarning talabini shakllantirish masalalari muhokama qilindi.
Panel sessiyasida sohaning nufuzli ma’ruzachilari, jumladan, O‘zbekiston Respublikasi Markaziy banki raisi o‘rinbosari Sanjar Nosirov, "AD Wealth" boshqaruvchi sherigi Alisher Jumanov, "IMAN" bosh ijrochi direktori Rustam Raxmatov, Ruminiyaning sobiq tashqi ishlar vaziri Ramona Menesku hamda O‘zbekiston iqtisodiy rivojlanish jamg‘armasi vitse-prezidenti Salome Svanadze o‘z ma’ruzalari bilan ishtirok etishdi.
Ekspertlarning firicha, O‘zbekistonda islomiy moliya ekotizimining rivojlanishi Ko‘rfaz mamlakatlaridan yirik investitsiya oqimlarini jalb qilish va mamlakatda tadbirkorlik sohasini moliyalashtirishning muqobil manbalarini yaratishda yangi ufqlarni ochib beradi.
Forum doirasidagi muhokamalar va sho‘ba majlislari davom etmoqda.
O‘zbekiston musulmonlari idorasi
Matbuot xizmati
