Maqolalar
Hayot yo‘lingiz qiyinlashib ketsa, barcha narsani biluvchi Zotga qayting
19.05.2026
2420
1 min.
Bismillahir Rohmanir Rohiym
Gar ko‘zingizga ko‘rinsa dunyo tor,
“Sharh“ surasini tafakkur aylang takror.
Alloma Ibn Javziy rahimahulloh aytadilar: “Boshimga g‘am-tashvish solgan bir ish yuz berdi. Men bu musibatdan turli yo‘llar bilan chiqib ketishga urindim, lekin hech qanday chora topa olmadim. Shunda xayolimga
﴿وَمَنْ يَتَّقِ اللَّهَ يَجْعَلْ لَهُ مَخْرَجًا﴾
“Kimki Allohga taqvo qilsa, U unga (tashvishlardan) chiqish yo‘lini (paydo) qilur” (Taloq surasi, 2-oyat) oyati keldi. Bildimki, taqvo qilish barcha g‘amdan chiqish yo‘li ekan. Allohga haqiqiy taqvo qilishga harakat qilishim bilan boshimga tushgan ishdan chiqish yo‘lini topdim”.
Aqlli insonlar taqvoni barcha yaxshilikning sababi deb biladi. Insonga biror uqubat yetgan bo‘lsa faqatgina gunohi sabab yetadi, undan qanday musibat arigan bo‘lsa tavbasi sabab ariydi. Siz qanday baxtsizlik, xafalik yoki omadsizlik yetgan bo‘lsa amallaringiz – namozni vaqtida o‘qimasligingiz, biror insonni g‘iybat qilishingiz, yengiltaklikka yo‘l qo‘yishingiz yoki biror harom ishni qilishingiz sababidan yetadi. Allohning belgilagan yo‘liga qarshi xilof qilgan har qanday inson qilgan xatosi yoki beparvoligining badalini to‘lashi lozim.
Baxt-saodatni yaratgan Zot yakkayu yagona bo‘lsa siz baxtni Undan boshqasidan qanday qidirasiz? Agar baxt insonlar qo‘lida bo‘lganida yer yuzida umuman baxtsiz insonlar qolmagan bo‘lmasmidi?!
Shu’la: Hayotingizdagi har qanday umidsiz vaziyatlarni xayolingizdan uzoqlashtiring, ularni unuting. Xayolingizni muvaffaqiyat tomon jamlang, shundagina qanotlaringizni qoqib parvoz etishingiz mumkin bo‘ladi.
Doktor Oiz al-Qarniyning
"Dunyodagi eng baxtli ayol" kitobidan
MА`LUMOTNI IJTIMOIY TАRMOQLАRDА ULАSHING
Iymon 
Namoz 
Ro'za 
Zakot 
Haj 
Qur'on 
Islom saboqlari 
Aloqa 
