Sayt test holatida ishlamoqda!
14 Sentabr, 2026   |   3 Rabi`us soni, 1448
search icon
Avvalgi sayt
ЎЗ РУ EN AR

Toshkent shahri
Tong
04:42
Quyosh
06:02
Peshin
12:19
Asr
16:44
Shom
18:39
Xufton
19:54
Bismillah
14 Sentabr, 2026, 3 Rabi`us soni, 1448
Avvalgi sayt
#search
 YouTube

Talabalar Diniy idora faoliyati bilan tanishdi

06.06.2024   3215   2 min.
Talabalar Diniy idora faoliyati bilan tanishdi

Butun dunyoda bo'lgani kabi mamlakatimizdagi oliy ta'lim muassasalarida ham zamonaviy ta'lim-tarbiya usullari tobora rivojlanib bormoqda, xususan, nazariya bilan amaliyotni uyg'un holda olib borish vaqt sinovidan o'tgan uslub sanaladi.

Ayni maqsadda bugun, 6 iyun' kuni O'zbekiston xalqaro islom akademiyasining birinchi kurs talabalari O'zbekiston musulmonlari idorasiga kelib, uning faoliyati bilan yaqindan tanishdi.

Dastlab Diniy idora raisining o'rinbosari Zayniddin domla Eshonqulov talaba-yoshlar bilan samimiy suhbat qurdi. Unda “Hazrati Imom” majmuasi va O'zbekiston musulmonlari idorasi faoliyati haqida ma'lumot berildi.

Zayniddin domla o'z so'zi davomida Ta'lim, fan va madaniyat masalalari bo'yicha Islom tashkiloti – AYSYeSKO (ISESCO) tomonidan Toshkent shahri “Islom madaniyati poytaxti” deb e'lon qilingani munosabati bilan "Hazrati Imom" majmuasi zamonaviy qilib yangidan barpo etilgani, yaqinda mamlakatimizda bo'lgan ICESCO bosh direktori Salim al-Malik O'zbekiston musulmonlari idorasiga tashrifi chog'ida 2025 yilda Samarqand shahri Islom madaniyati poytaxti degan yuksak maqomga ega bo'lgani haqidagi xushxabarni etkazdi.

Shuningdek, “Dunyoda ilmdan boshqa najot yo'q va bo'lmagay” degan hikmatli so'zni aytib, talaba-yoshlar haqqiga doimo o'qib-o'rganishdan tolmasliklarini so'rab xayrli duolar qildilar.

Tanishuv asnosida Diniy idora mutaxassislari tomonidan talaba-yoshlarga har bir bo'lim faoliyati haqida batafsil ma'lumot berildi.

O'zbekiston musulmonlari idorasi
Matbuot xizmati

O'zbekiston yangiliklari
Boshqa maqolalar
Yangiliklar

Indoneziya Haj va Umra vaziri Buxoroga tashrif buyurdi

10.09.2026   50167   1 min.
Indoneziya Haj va Umra vaziri Buxoroga tashrif buyurdi

7–8 sentabr kunlari Indoneziya Haj va Umra vaziri Muhammad Irfon Yusuf boshchiligidagi delegatsiya Buxoro viloyatiga tashrif buyurdi.

Mehmonlarni temir yo‘l vokzalida viloyat hokimi o‘rinbosari B.Shahriyorov, A.Qalandarovlar boshchiligidagi mutasaddilar kutib oldi.

Hokim o‘rinbosari B.Shahriyorov, A.Qalandarov , turizm boshqarmasi boshlig‘i A.Rajabov va bosh imom-xatib J.Elov ishtirokidagi uchrashuvda Buxoroning islom sivilizatsiyasi tarixidagi o‘rni, muqaddas qadamjolar va allomalar merosini targ‘ib qilish, ziyoratchilar oqimini oshirish hamda yangi ziyorat turizmi yo‘nalishlarini shakllantirish masalalari muhokama qilindi.

Jakarta–Buxoro yo‘nalishida charter va to‘g‘ridan to‘g‘ri aviaqatnovlar yo‘lga qo‘yish imkoniyatlari ham ko‘rib chiqildi.

Imom al-Buxoriy, Abduxoliq G‘ijduvoniy va Bahouddin Naqshband merosini Indoneziyada targ‘ib qilish maqsadida Jakartadagi oliy ta’lim muassasalari va turistik kompaniyalarda ma’ruza hamda targ‘ibot tadbirlarini tashkil etish taklif qilindi.

Delegatsiya Bahouddin Naqshband majmuasi va Buxoroning tarixiy markazlari bilan tanishib, shaharning ziyorat turizmi salohiyati haqida ma’lumot oldi.

Tashrif — Buxoro va Indoneziya o‘rtasidagi ziyorat turizmi, diniy-ma’rifiy hamda madaniy aloqalarni yangi bosqichga olib chiqish yo‘lidagi muhim qadam bo‘ldi.

O‘zbekiston musulmonlari idorasi Matbuot xizmati

O'zbekiston yangiliklari
#logo