Umringiz chegaralangan. U xursandchilik, shodlik, rozilik, sakinat va qanoat umridir. Ochko‘zlik, tama va bezovtalik sizning umringizdan emas, balki ular sizning sog‘lig‘ingiz, tinchligingiz va chiroyingizga zid keladigan, zarar beradigan narsalardir. Shunday ekan, siz doimo Allohdan rozi, sizga berilgan narsaga qanoatli, taqdirga iymonli va kelajakka yaxshi umidli bo‘ling. Siz soyasi juda oz, ko‘rgan insonni quvnatadigan, arzon narslarga bog‘lanib qolmagan va guldan gulga qo‘nib, bog‘dan bog‘ga sayr qiladigan go‘zal kapalak kabi bo‘ling. Yoki pok narsa tanovul qilib, pok narsa beradigan, biror gulga qo‘nsa uni sindirmaydigan, xushbo‘y narsaga qo‘nib, uni yaralamaydigan, asal berib, chaqmaydigan va muhabbat ila parvoz etadigan asalari kabi bo‘ling.

Shu’la: Alloh taolo ko‘p tavba qiluvchilarni sevadi. Chunki ular Unga qaytishgan va holatlarini U zotga shikoyat etishgan.

Doktor Oiz al-Qarniyning
"Dunyodagi eng baxtli ayol" kitobidan