Alhamdulillah, Allohga behad hamdu sanolar bo'lsin, muborak haj ibodatini eson-omon, sihat-salomatlikda ado etdik. Buning uchun Allohga cheksiz shukronalar aytsak, bizga kerakli sharoitlarni hozirlangan barcha mutasaddilarga o'z minnatdorligimizni bildirishimiz zarur. 

Haj amalini emin-erkin, to'la-to'kis ado etishimiz uchun Madina va Makka shaharlariga borib joylashgunimizga qadar katta hurmat va izzatda bo'ldik. Biz uchun tikilgan maxsus kiyimlar, «Haj» qo'llanmasi, shifokorlar ko'rigi, zamonaviy maxsus avtobuslar, zamonaviy mehmonxonalar va u erda yaratilgan shart-sharoitlar hamda oshpazlarimiz tomonidan tayyorlangan milliy taomlar, barcha-barchasi muqaddas maskanlarda emin-erkin ibodatlarini ado etishimiz uchun muhayyo qilindi.

Buning uchun, avvalo, yurtimiz rahbariga, Muftiy hazratlari va barcha mas'ullar, xizmatda turganlarga cheksiz tashakkurlar aytamiz. 

Toshkent 35-guruh hojilari jamoasi