Hijriy 1446 yil Muharram oyining birinchi oyi hijriy yangi sanasi kirishi munosabati bilan 7 iyul' kuni erta tongda Ka'bapo'sh yangisiga almashtirildi.
“Kisva” almashtirish an'anaviy ravishda oy taqvimiga ko'ra har bir yangi yilning boshida amalga oshiriladi. Saudiya Arabistoni axborot vakolati xabariga ko'ra, yangi Ka'bapo'shning og'irligi taxminan 1350 kilogramm, balandligi 14 metr bo'lib, 4 qismdan iborat bo'lib, u Ka'ba eshigini qoplaydi.
Ka'bapo'shni tayyorlash uchun 1000 kilogrammga yaqin xom ipak, shuningdek, 120 kilogramm tilla ip va 100 kilogramm kumush ip ham ishlatilgan. Ka'ba pardasi 16 qism va 7 pastki qismdan iborat.
Bu parda 17 ta marjondan iborat bo'lib, ustiga “Ya Rohman Ya Rohiym” va “Alhamdulillah, Robbil a'lamiyn”, “Ya Hay, Ya Qayyum” va “Alloh Akbar” kabi yozuvlar bitilgan bo'lib, uning to'rt tomonida to'rtta lavha ham bor. Ixlos surasi yozilgan Ka'baning boshqa tomonida beshta bezak detallari Ka'baning trubasini, qora toshini va Yamaniy ustunini bezatadi, uning tepasida esa Rukn al-Yamaniy burchagida Ka'ba eshigining tashqi qoplamasining yuqori qismida sariq rangli kashta zanjir osilib turadi.
Ta'kidlash joizki, Ka'bapo'shni tayyorlash uchun maxsus Malik Abdulaziz majmuasida 200 ga yaqin xodim mehnat qiladi. Bu majmuada bo'yash, avtomatik to'qish, qo'lda to'qish, matbaa, tazhib, tikuvchilik va parda yig'ish bo'limlari bo'lib, unda dunyodagi eng katta 16 metr uzunlikdagi, komp'yuterda ishlaydigan tikuv mashinasi mavjud.
O'zbekiston musulmonlari idorasi Matbuot xizmati
Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.
Sayyid Sulaymon Nadaviy rahmatullohi alayhning ilm va fazllari mashhur bo‘layotgan va shuhrat qozonayotgan edi. U kishi o‘zlarining voqealarini quyidagicha so‘zlab beradilar: «Men «Siyratun-Nabiy sollallohu alayhi vasallam» kitobini olti jild qilib tamomladim. «Muhtaram Zotning siyratlaridagi biror jilva yoki ko‘rinish mening hayotimda ham bo‘lganmi yoki yo‘q? Agar bo‘lmagan bo‘lsa, u holda qanday bo‘ladi?» degan o‘y qayta-qayta qalbimda tinchlik bermas edi. Shu maqsad uchun Allohning biror valiysini qidirdim.
Thana Bhavandagi xonaqohda yashaydigan va Alloh taolo fayzlarini taratib qo‘ygan Mavlono Ashraf Ali Tahonaviy hazratlari haqida eshitgan edim. Shunday qilib, bir kuni Thana Bhavanga borishni niyat qildim va safarga chiqdim. Borib, hazrat bilan ko‘rishdim va bir necha kun u yerda turdim. Ortga qaytayotganimda hazrat Tahonaviy rahmatullohi alayhga: «Hazrat! Biror nasihat qiling», dedim. U zotning xayollariga o‘sha payt: «Shunday katta allomaga nima nasihat qilaman? Ilm va fazli butun dunyoga mashhur bo‘lsa», degan o‘y kelibdi. Keyin: «Ey Alloh! Qalbimga uning uchun ham foydali bo‘lgan va mening uchun ham foydali bo‘lgan narsani sol», deb duo qilibdi. Shundan keyin hazrat Tahonaviy rahmatullohi alayh Sayyid Sulaymon Nadaviy rahmatullohi alayhga xitob qilib: «Ey birodar! Bizning yo‘limizda boshidan oxirigacha o‘zingizni xokisor tutishingiz kerak», debdilar.
Sayyid Sulaymon Nadaviy rahmatullohi alayh aytadilar: «Hazrat Tahonaviy rahmatullohi alayh bu so‘zlarni aytayotganlarida qo‘llarini ko‘ksilariga olib borib, past tarafiga bir zarba berdilar, zarba xuddi mening qalbimga tushgandek bo‘ldi».
Hazratimiz Doktor Abdulhay rahmatullohi alayh aytadilar: «Bu voqeadan keyin Sayyid Sulaymon Nadaviy rahmatullohi alayh o‘zlarini shunday xokisor tutdilarki, uning misli topilishi qiyin edi. Bir kuni qarasam, xonaqohning tashqarisida hazrat Sayyid Sulaymon Nadaviy rahmatullohi alayh majlisga kelganlarning oyoq kiyimlarini tartiblayotgan ekanlar. Shunday tavoze’ va muhabbatni Alloh taolo u kishining qalbida paydo qildi va keyin yuksak darajalarga ko‘tarib qo‘ydi».
«Nasihatlar guldastasi» kitobidan