O'zbekiston musulmonlari idorasi jamoasi Qashqadaryo viloyati Kasbi tumani bosh imomi va "Sulton Mirhaydar" jome masjidi imom-xatibi Ulug'bek domla Aminovning padari buzrukvorlari vafoti munosabati bilan u kishining yaqinlariga chuqur ta'ziya izhor etadi.

Oxirat safariga kuzatilgan otaxon el koriga yaraydigan, dinu diyonat yo'lida xizmat qiladigan farzand va nevaralarni o'stirdilar, chiroyli tarbiya qildilar.

Alloh taolo marhum otaxonning barcha solih amallarini o'zlariga hamroh aylab, O'z mag'firatiga olsin. Haq taolo marhum otaxonning yaqinlari, farzandu arjumandlariga chiroyli sabr berib, bu musibatlariga ajru mukofotlar ato etsin.

O'zbekiston musulmonlari idorasi jamoasi, ulamolari, imom-domlalari va o'qituvchi-mudarrislari nomidan Ulug'bek domla Aminovga, u kishining oila a'zolari, yor-birodarlari, yaqinlariga hamdardlik bildiramiz.

"Innaa lillaahi va innaa ilayhi roji'uun".

«Musibat etganda «Albatta, biz Allohnikimiz va albatta, biz Unga qaytuvchimiz», degan sabrlilarga xushxabar bering».

O'zbekiston musulmonlari idorasi