Sayt test holatida ishlamoqda!
02 Sentabr, 2026   |   20 Rabi`ul avval, 1448
search icon
Avvalgi sayt
ЎЗ РУ EN AR

Toshkent shahri
Tong
04:27
Quyosh
05:50
Peshin
12:23
Asr
17:00
Shom
18:59
Xufton
20:17
Bismillah
02 Sentabr, 2026, 20 Rabi`ul avval, 1448
Avvalgi sayt
#search
 YouTube

Yoshlar forumi boshlandi

27.06.2024   4002   2 min.
Yoshlar forumi boshlandi

Shu yil 27-28 iyun' kunlari Samarqand shahrida Islom hamkorlik tashkiloti Yoshlar forumi bo'lib o'tmoqda. Unda turli davlat va jamoat tashkilotlari vakillari ishtirok etmoqda.

Nufuzli tadbir doirasida Islom hamkorlik tashkiloti bosh kotibi o'rinbosari Tariq Ali Baxit, O'zbekiston musulmonlari idorasi raisi o'rinbosari Zayniddin domla Eshonqulov, Halqaro islom akademiyasi rektori Uyg'un G'ofurov yangi bog'ni ochib, unga manzarali daraxt ko'chatlarini o'tqazdilar.

Tadbir Qur'on tilovati va xayrli duolar bilan boshlandi.

So'zga chiqqan Zayniddin domla O'zbekiston musulmonlari idorasi raisi, muftiy Shayx Nuriddin Holiqnazar hazratlarining forum ishtirokchilariga yo'llagan tabrik va qutlovlarini o'qib eshittirish barobarida xayrli tilaklarini bildirdilar. 

Shuningdek, forumda yurtimizda yoshlar ta'lim-tarbiyasiga qaratilgan e'tibor, ularni har tomonlama etuk shaxs qilib kamol topishlari borasida olib borilayotgan xayrli ishlar, xususan, diniy ta'lim muassasalarida talaba-yoshlar o'qib-o'rganishlari uchun qilingan shart-sharoitlar to'g'risida so'z yuritildi.

Tadbirda yurtimiz va xorijlik mutaxassislar o'zaro tajriba almashish barobarida ushbu yo'nalishdagi yangilik va ilmiy tadqiqotlardan bahramand bo'ldi.

Ertaga, 28 iyun' kuni mazkur tadbirning ikkinchi bosqichi o'tkaziladi.

O'zbekiston musulmonlari idorasi
Matbuot xizmati

O'zbekiston yangiliklari
Boshqa maqolalar
Yangiliklar

Shayx hazratlarining kitoblari Masjidi Nabaviyda

28.08.2026   37594   1 min.
Shayx hazratlarining kitoblari Masjidi Nabaviyda

Fazilatli shayx Muhammad Sodiq Muhammad Yusuf hazratlari qoldirgan boy ilmiy merosi nafaqat O‘zbekistonda, balki dunyoning turli nuqtalarida, xususan, Islom olamining tabarruk maskani bo‘lmish Masjidi Nabaviy kutubxonasida ham saqlanib kelyapti.

2017 yilda shayx hazratlarining bir qator kitoblari ilk bor Masjidi Nabaviy kutubxonasiga taqdim etilgan edi. Shundan buyon ziyoratga borgan hamyurtlarimiz ushbu kutubxonadan hazratning asarlarini o‘z ona tilimizda mutolaa qilish imkoniyatiga ega bo‘lib kelishyapti.

Masjidi Nabaviy kutubxonasi masjidning 10-eshigi yonida joylashgan. Kutubxonada 170 000 dan ortiq kitob saqlanadi. Asosiy adabiyotlar arab tilida bo‘lsada, 20 dan ortiq xorijiy tillardagi diniy manbalar ham jamlangan. Kutubxonadan bir vaqtning o‘zida 300 dan ortiq kitobxon foydalanishi mumkin.

Kutubxonada xorijiy tillardagi adabiyotlar uchun alohida xona ajratilgan. U yerda ingliz, rus, fransuz kabi jahon tillari qatorida o‘zbek tili bo‘limi ham bor. Ushbu bo‘limda shayx Muhammad Sodiq Muhammad Yusuf hazratlarining qalamlariga mansub 50 dan ortiq asar bor. Jumladan:

– «Hadis va Hayot» silsilasi;
– «Tafsiri Hilol»;
– «Kifoya»;
– «Ruhiy tarbiya»;
– «Zikr ahlidan so‘rang»;
– «Odoblar xazinasi»;
– «Xislatli hikmatlar sharhi»;
– «Baxtiyor oila» va boshqalar.

@islomuz

Shayx hazratlarining kitoblari Masjidi Nabaviyda Shayx hazratlarining kitoblari Masjidi Nabaviyda Shayx hazratlarining kitoblari Masjidi Nabaviyda
O'zbekiston yangiliklari
#logo