Qabullarda aholi murjaatlari echim topmoqda

Bugun, 26 iyun' kuni O'zbekiston musulmonlari idorasi raisi o'rinbosari Zayniddin domla Eshonqulov fuqarolarni qabul qilib, ularning murojaatini tingladi.

Qabul davomida Andijon, Buxoro, Samarqand, Toshkent viloyatlari va Toshkent shahridan kelgan hamyurtlarimizning shar'iy, oilaviy, ta'lim masalalari, masjidlar holati va moddiy yordam bo'yicha qilgan arz va murojaatlari eshitildi.

Muloqotlar davomida muammolar echimi bo'yicha maslahatlar, moddiy yordam so'raganlarga belgilangan tartibda ko'mak berilishi ta'kidlandi.

Masjid va imomlar faoliyatiga oid murojaatlar ko'rib chiqish uchun Idora bo'limlariga tegishli vazifalar yuklandi.

Bu kabi qabul jarayonlari O'zbekiston musulmonlari idorasining hududlardagi vakilliklari va barcha jome masjidlarida ham haftaning har chorshanba kuni imom-domlalar tomonidan amalga oshirilmoqda.

O'zbekiston musulmonlari idorasi
Matbuot xizmati