O‘zbekiston musulmonlari idorasi huzuridagi «Vaqf» xayriya jamoat fondining Samarqand viloyati filiali «Mehr-2020» fondi jamoasi bilan hamkorlikda boquvchisini yo‘qotgan ehtiyojmand oilalar uchun ajoyib sovg‘a hozirlashdi. Yangi o‘quv yili oldidan viloyatning shahar va tumanlarida istiqomat qilayotgan ana shunday oilalarning 1000 nafardan ortiq farzandlarini o‘quv qurollari, maktab formalari bilan ta’minlash uchun xayriya aksiyasini boshlab yuborishdi. Bunda saxovatpesha homiylarimiz tomonidan dastlabki bosqichda Nurobod tumanida 40 nafar bolajonga maktab formalari va o‘quv qurollari sotib olinib, xayriya qilindi.

Zero, Payg‘ambar sollallohu alayhi vasallam yetimni kafillikka olgan kishiga jannatda o‘zlari bilan birga bo‘lishini bashorat berib, ko‘rsatkich va o‘rta barmoqlari bilan ishora qilgancha shunday deganlar: “Men bilan yetimni kafillikka olgan kishi jannatda mana shunday yonma-yon bo‘lamiz”.

Ezgu ishga siz ham hissa qo‘shing.