Sayt test holatida ishlamoqda!
08 Iyun, 2025   |   12 Zulhijja, 1446
search icon
Avvalgi sayt
ЎЗ РУ EN AR

Toshkent shahri
Tong
03:06
Quyosh
04:50
Peshin
12:27
Asr
17:36
Shom
19:58
Xufton
21:35
Bismillah
08 Iyun, 2025, 12 Zulhijja, 1446
Avvalgi sayt
#search
 YouTube

Haj vazirligi bayonoti

23.06.2020   4979   2 min.
Haj vazirligi bayonoti

Saudiya Arabistoni Podshohligining Haj vazirligi 2020 yil 22 iyun dushanba kuni “Haj – 2020” mavsumi yuzasidan o‘z bayonotini e’lon qildi. Ushbu Bayonotda:

  • Haj ibodatini sog‘liq jihatidan xavfsiz va ehtiyotkorlik talablariga muvofiq, ijtimoiy masofaga rioya qilib, insonlar salomatligini saqlash va koronavirus pandemiyasi xataridan himoyalagan holda o‘tkazishga qaror qildik.

Saudiya Arabistoni Podshohligining Haj vazirligi kecha 22 iyun dushanba kuni 1441 yil haj ibodatini Saudiya Arabistoni ichkarisida mavjud bo‘lgan turli millat vakillaridan iborat juda cheklangan sonli guruh uchun o‘tkazilishini ma’lum qildi.

Shuningdek, vazirlik o‘z bayonotida haj ibodatini sog‘liq jihatidan xavfsiz va ehtiyotkorlik talablariga muvofiq, ijtimoiy masofaga rioya qilib, insonlar salomatligini saqlash va koronavirus pandemiyasi xataridan himoyalagan holda, shariatning inson jonini saqlash maqsadini amalga oshirgan holda o‘tkazishga qaror qilinganini ma’lum qiladi.

Dunyoning 180 dan ortiq mamlakatida koronavirus pandemiyasi yuz berayotgani, yarim milliondan ortiq inson vafot etgani, 7 milliondan ziyod odam ushbu kasallikka chalingani, Saudiya Arabistoni Sog‘liqni saqlash vazirligi ma’lumotiga ko‘ra, bu kasallikka chalinish xavfi davom etayotgani, bu xastalikka qarshi vaksinaning yo‘qligi, kasalga chalinganlarni davolash uchun dori vositalari yetarli bo‘lmaganini e’tiborga olib, sog‘liq xavfsizligini saqlash maqsadida shunday qarorga kelingan.

Saudiya Arabistoni Harami sharif va Masjidi Nabaviy ziyoratchilarini haj va umra ibodatlarini emin-erkin va xavfsiz ado etishlariga imkon tug‘dirishga bo‘lgan doimiy istagidan kelib chiqqan holda, koronavirus pandemiyasi boshlanib, dunyoning bir qancha davlatlarida tarqala boshlaganidan beri Allohning mehmonlari va muqaddas diyorda yashab turgan umra ziyoratchilari sog‘lig‘ini himoya qilishga bo‘lgan katta e’tiborini namoyish qilib kelmoqda, deb qayd etilgan.

«Haj – 2020» mavsumiga oid mazkur yakuniy qaror yuzasidan Saudiya Arabistoni Ulamolari Kengashi, Islom hamkorlik tashkiloti, Butun jahon islom uyushmasi, Fors ko‘rfazi davlatlari (BAA, Baxrayn, Quvayt va Ummon Sultonligi), Saudiyaga qo‘shni davlatlar (Misr, Sudan, Yaman, Iroq va Iordaniya) munosabat bildirib, unda ziyoratchilarning salomatligini e’tiborga olingan holda haj bo‘yicha eng to‘g‘ri xulosa qilinganini qo‘llab-quvvatlangan.

 

O‘zbekiston musulmonlari idorasi Matbuot xizmati

Dunyo yangiliklari
Boshqa maqolalar

Ulamolar ziyoratchilarga ma’rifiy suhbatlar o‘tkazmoqda

30.05.2025   11715   2 min.
Ulamolar ziyoratchilarga ma’rifiy suhbatlar o‘tkazmoqda

#xabar #haj2025

Makka shahrida ziyoratchilar joylashgan mehmonxonalarda ma’rifiy suhbatlar o‘tkazilib, ulug‘ ibodat ahkomlari va hojilik odoblari haqida mav’izalar qilinmoqda. Yurtimizda keyingi yillarda haj va umra safarlarini yuqori darajada tashkil etilayotgani, yurtdoshlarimizga ushbu ibodatlarini chiroyli ado etishlari uchun har tomonlama qulaylik va sharoitlar hozirlashga katta e’tibor qaratilayotgani ta’kidlanmoqda.

 

O‘zbekiston musulmonlari idorasi raisi, muftiy Shayx Nuriddin Xoliqnazar hazratlari,  O‘zbekiston musulmonlari idorasi raisi o‘rinbosari Zayniddin domla Eshonqulov, Qur’on va tajvid bo‘limi mudiri shayx Alijon qori Fayzulla Maxdum o‘g‘li, Fatvo markazi direktori o‘rinbosari G‘ulomjon domla Xolboyev, Andijon viloyati bosh imom-xatibi Mirzamaqsud domla Alimov, Toshkent shahar vakili o‘rinbosari Abdulloh domla Yo‘ldoshev, “Abu Hanifa” jome masjidi imom-xatibi Muhammadamin domla Alixonov, “Eshon Boboxon” jome masjidi imom-xatibi Tavakkal domla Kenjayev, Din ishlari bo‘yicha qo‘mita mas’ul xodimi Muhammadbobur domla Yo‘ldoshev kabi ulamolar hojilarga suhbatlar qilib berishmoqda.

 

Uchrashuvlarda tabarruk shaharlar qadr-qimmati, bu yerlarda ziyorat va ibodat qilish ulkan saodat ekani, bu ulug‘ joylarda Rasul alayhissalom yurganlari, Islom tarixidagi muhim voqealar sodir bo‘lgani, haj ulug‘ ibodatligi, bunday sharafga yetkazgani uchun Alloh taologa shukronalar aytish, har bir ziyoratchi haqiqiy hojilik maqomiga yetishish yo‘lida yuksak ixlos, go‘zal odob bilan harakat qilish tavsiya etilmoqda.

 

Shuningdek, ma’rifiy suhbatlar chog‘ida, avvalo, niyatni to‘g‘ri qilish, doimo Alloh taoloning zikpi bilan band bo‘lish, ictig‘fop, dyolar va Qyp’oni kapimni tilovatini ko‘paytirish, tilni behyda co‘zlapdan tiyilish, qo‘lidan kelganicha odamlapga yaxshilik qilish, qalbni mashg‘yl qiluvchi narsalardan xoli bo‘lish, o‘zini kamtar tytish, zeby ziynatga e’tibop bepmaclik singari haj odoblariga amal qilish hajning mabrur bo‘lishiga sabab bo‘lishi haqida shar’iy dalil va hayotiy misollar asosida eslatib o‘tilmoqda.

Suhbatlar nihoyasida ziyoratchilar bilan haj ibodatiga doir savol-javoblar ham bo‘lmoqda. 

O‘zbekiston musulmonlari idorasi
Matbuot xizmati

Ulamolar ziyoratchilarga ma’rifiy suhbatlar o‘tkazmoqda Ulamolar ziyoratchilarga ma’rifiy suhbatlar o‘tkazmoqda Ulamolar ziyoratchilarga ma’rifiy suhbatlar o‘tkazmoqda Ulamolar ziyoratchilarga ma’rifiy suhbatlar o‘tkazmoqda Ulamolar ziyoratchilarga ma’rifiy suhbatlar o‘tkazmoqda Ulamolar ziyoratchilarga ma’rifiy suhbatlar o‘tkazmoqda Ulamolar ziyoratchilarga ma’rifiy suhbatlar o‘tkazmoqda Ulamolar ziyoratchilarga ma’rifiy suhbatlar o‘tkazmoqda Ulamolar ziyoratchilarga ma’rifiy suhbatlar o‘tkazmoqda