O‘zbekiston musulmonlari idorasi jamoasi ko‘p yillar diniy sohada xizmat qilgan ("Movarounnahr" nashriyoti sobiq direktori) Yusufxon hoji Mahmudovga o‘ttiz yoshli farzandining vafoti munosabati bilan chuqur ta’ziya izhor etadi.
Alloh taolo oxirat safariga kuzatilgan yigitning barcha solih amallarini o‘ziga hamroh aylab, O‘z mag‘firatiga olsin.
Haq taolo marhumning yaqinlari va ota-onasiga chiroyli sabr berib, bu musibatlarga ajru mukofotlar ato etsin.
O‘zbekiston musulmonlari idorasi jamoasi, ulamolari, imom-domlalari va o‘qituvchi-mudarrislari nomidan Yusufxon hoji Mahmudovga hamdardlik bildiramiz.
Innaa lillaahi va innaa ilayhi roji’uun.
O‘zbekiston musulmonlari idorasi
Muborak Haj amallarini sog‘-salomat ado etgan farg‘onalik ziyoratchilarning dastlabki guruhi Vatanga qaytib keldi. Hojilarni Farg‘ona xalqaro aeroportida viloyat mutasaddilari, diniy soha vakillari hamda ziyoratchilarning yaqinlari tantanali ravishda kutib oldi.
Mazkur marosimda davlatimiz rahbari tomonidan yurtdoshlarimizning muqaddas amallarni xotirjam va munosib ado etishlari uchun yaratilayotgan yuksak shart-sharoitlar alohida e’tirof etildi.
Ziyoratchilar Makkai mukarrama va Madinai munavvara shaharlarida bo‘lib, Haj ibodatlarini to‘liq ado etganliklarini, muborak qadamjolarda turib yurtimiz tinchligi, xalqimiz farovonligi hamda el-yurt ravnaqini so‘rab xayrli duolar qilganliklarini mamnuniyat bilan ta’kidladi.
Ma’lumot o‘rnida, Farg‘ona viloyatidan muqaddas safarga yo‘l olgan ziyoratchilarning keyingi guruhlarini kutib olish ishlari reja asosida joriy yilning 13 iyuniga qadar davom etadi.
O‘zbekiston musulmonlari idorasi
Matbuot xizmati