Sayt test holatida ishlamoqda!
10 Iyun, 2025   |   14 Zulhijja, 1446

Toshkent shahri
Tong
03:05
Quyosh
04:50
Peshin
12:28
Asr
17:37
Shom
19:59
Xufton
21:36
Bismillah
10 Iyun, 2025, 14 Zulhijja, 1446

Ilm ista (she’r)

28.04.2020   4749   1 min.
Ilm ista (she’r)

Ilmu hikmat bir ilohiy nur-ziyo,

Ilmu hikmat bilan dillar purziyo.

 

Zebu ziynat, molu dunyo o‘tkinchi,

Zavqu azob, orzu-havo o‘tkinchi.

 

Zakovat-la saqlanar qalb jahldan,

Baxt beshigi yasalgay ilm, aqldan.

 

O‘rganamiz ilm-la din-diyonatni,

Farzu vojib, sunnatu sir-sinoatni.

 

Ilm ista, g‘aflatga hech ko‘nmagin,

Bekor so‘zlab, uzun uxlab, so‘nmagin.

 

Ilmsiz qalb bo‘larmidi salomat?

Darding bormi, yo‘q ishingda davomat.

 

Ilm yo‘llar seni rushdu hidoyatga

Va olgaydir ixlosingni himoyatga.

 

Ilm ista, bo‘lgin omon, ey do‘stim,

Shunda jannat yo‘li oson, ey do‘stim.

 

Ibodulloh Ahrorov

Toshkent islom instituti o‘qituvchisi

(“Hidoyat”jurnali 2002, 2 son)

Maqolalar
Boshqa maqolalar
Maqolalar

Firqalarni tanqid qilish fitna emas

05.06.2025   5440   1 min.
Firqalarni tanqid qilish fitna emas

Shayx Said Fuda

INFOGRAFIKA