Kishi vabo tarqalganda undan aziyat chekadigan yoki vafot etadigan bo‘lsa hadisi sharifda unga katta ajrlar borligi bashorat qilingan.

عَنْ أَبِي هُرَيْرَةَ رَضِيَ اللهُ عَنْه عَنِ النَّبِيِّ صلى الله عليه و سلم قَالَ: الْمَبْطُونُ شَهِيدٌ وَالْمَطْعُونُ شَهِيدٌ.

 رَوَاهُ الْبُخَارِيُّ

Abu Hurayra roziyallohu anhudan rivoyat qilinadi. Nabiy sollallohu alayhi vasallam: “Qorin xastaligi ila o‘lgan shahiddir, vaboda o‘lgan shahiddir”, dedilar (Imom Buxoriy rivoyati).

Islomda vabo kasali tufayli vafot etgan kishi shahidga tenglashtirilgan.

Hafsa binti Sirin rivoyat qiladilar: “Anas ibn Molik roziyallohu anhu: “Yahyo ibn Sirin nima sabab vafot etdi?” deb so‘radi. Men: “Vabodan vafot etdi”, dedim. Shunda Anas: “Rasululloh sollallohu alayhi vasallam: “Vabodan o‘lgan har bir musulmon shahid ketadi”, deganlar”, dedi.

Bu hadisda vabodan vafot etgan kishing ahli-ayolini sabrga chaqirish bilan birga, marhumning ortidan qolgan yaqinlariga katta tasalli bor. Ularning o‘z yaqinlari vaboga chalinib vafot etgani sababli shahid hukmini olishi qalblariga yupanch bo‘ladi.

Muhammad Zarif DADAMIRZAYEV