Bir burda non senga kifoya qilar,
Minnatli osh bir kun tomog‘ing tilar.

Siz olam va undagi insonlar haqida bir o‘ylab ko‘ring. Qanchadan-qancha kasalxonalarda to‘shaklarda yillab kasal bo‘lib yotgan, baxtsiz voqea sababli uzoq yillarini yo‘qotgan insonlar bor. Qamoqxonalar temirlari hayotlari loyqalanib ketgan, rohatlari yo‘qolgan minglab insonlar bor. Yordam markazlari va shifoxonalarda aqllarini yo‘qotib majnun bo‘lgan insonlar bor. Yana qanchadan-qancha yirtiq chodirlarda bir burda nonga zor bo‘lib yashayotgan insonlar bor. Shunday emas-mi?

Yana ayollar orasida bir musibat yetib bir halokat tufayli bor-yo‘g‘idan, farzanlaridan ayrilganlar yoki biror bedavo dardga chalinganlar yo‘q emasmi?! Siz esa salomat, tinchlik, yaxshilik va omonlikdasiz. Shunday ekan Allohga hamd ayting. Vaqtingizni Allohni norozi qiladigan - bekorchi telekanallar, ulardagi sifatsiz, qalbaki, ahamiyatsiz va bemaza narsalarga sarf qilmang. Bu narsalar qalbga mahzunlik va xafalikni olib keladi va badanni o‘z vazifasini bajarishdan qoldiradi. Lekin televizorda ma’ruzalar, ilmiy kengashlar, manfaatli tibbiy teleko‘rsatuvlar, har bir musulmon va muslima uchun kerakli bo‘lgan yangiliklar va shu kabi foydali narsalarni tomosha qiling. Taqdim etilayotgan bemaza va uyatsiz narsalardan chetlaning. Chunki ular ibo, hayo va diningizni yo‘qotib yuboradi.

Shu’la: Zolimni faqatgina Alloh hakam bo‘ladigan oxirat mahkamasiga qoldiring.

Doktor Oiz al-Qarniyning
"Dunyodagi eng baxtli ayol" kitobidan