Sayyidul istig‘for

Rivoyat qilinishicha, istig‘forlarning eng afzali ushbudir: «Allohumma anta Robbi. La ilaha illa anta. Xolaqtani va ana ’abduka va ana ’ala ’ahdika va va’dika mastato’tu, a’uzu bika min sharri ma sona’tu va abu’u laka bini’matika ’allayya va a’tarifu bi zunubi, fag‘firli zunubi innahu la yag‘firuz-zunuba illa ant».

Yo Alloh! Sen mening Rabbimsan! Sendan o‘zga iloh yo‘q. Meni Sen yaratding. Men Sening qulingman. Men kuchim yettuncha Senga bergan ahd va va’damda sobitman. Qilgan ishlarim yomonligidan asrashingni so‘rayman, bergan ne’matlaringni e’tirof qildim. Gunohlarimni tan olaman. Meni kechirgin, Yo Alloh! Sendan o‘zga kechirguvchi yo‘qdir (Imom Termiziy. «Da’vat», 3393-hadis).

Yana bir istig‘for duosi

«Astag‘firulloh, astag‘firulloh, astag‘firulloh al-’aziym al-Kariym, allaziy la ilaha illa hu, al-Hayyul- Qoyyo‘m va natubu ilayh va nas’aluhut-tavbata val-mag‘firota val-hidayata lana innahu huvat-tavvabur-rohiym. Tavbata ’abdin zolimin linafsihi la yamliku linafsihi mavtan vala hayatan vala nushuro».

Ma’nosi: Allohdan mag‘firat so‘rayman! Azim va Karim, Undan boshqa hech iloh bo‘lmagan, Hayy va Qayyum Allohdan mag‘firat so‘rayman. Unga qaytamiz. Tavbamizni qabul etib, mag‘firat va hidoyat nasib qilishini tilaymiz, chunki U tavbalarni qabul qilguvchi, rahmli, mehribondir. Nafsiga zulm  qilgan, o‘ldirish va qayta tiriltirishga ojiz bo‘lgan bandaning tavbasi kabi tavba qilamiz.

O‘MI matbuot xizmati