G‘USL

Er-xotin qovushganda, ehtilom bo‘lganda, ya’ni, uyquda yo uyg‘oqlikda maniy shahvat bilan chiqqanda, ayollar hayz va nifosdan toza bo‘lganidan so‘ng g‘usl (butun badanni suv bilan ishqalab yuvish) farz bo‘ladi.

Har juma va hayit namozlari uchun g‘usl qilish sunnatdir. Bu Payg‘ambarimiz (sollallohu alayhi va sallam) doimo bajargan amallardandir.

G‘uslning farzlari: 

1. Og‘izni suv bilan tomoqqa yetkazib, g‘arg‘ara qilib chayish;
2. Burunni suv bilan achishtirib chayish;
3. Butun badanni ishqalab yuvish.

G‘usl quyidagi tartibda qilinadi.

1. «Bismillahir rohmanir rohiym» deyiladi va g‘uslga niyat qilinadi.
2. Qo‘llar oshiqlari bilan yuviladi.
3. Ikki yo‘l yuviladi va tahorat olinadi. Badanda maniy bo‘lsa, yuvib ketkaziladi. Avval boshga, keyin o‘ng va chap yelkaga suv quyib, butun badan yaxshilab yuviladi. Agar badanda ignaning uchiday quruq joy qolsa ham, g‘usl tugal bo‘lmaydi.

O‘MI matbuot xizmati