Saudiya Arabistoniga 101 yoshli Atar Bibi Haj ziyoratini ado etish uchun yetib kelgani ma’lum qilindi. Bu haqda Saudi Gazette nashri xabar berdi. Ushbu ulug‘ yoshli ziyoratchi Madina aeroportida Saudiya Arabistonining Haj vazirligi vakillari tomonidan kutib olingan. Atar Bibiga uning 60 yoshli o‘g‘li va qizi hamrohlik qilayotgani aytilgan. Ataar Bibi Haj-2019 mavsumining eng yoshi ulug‘ ziyoratchisi ekani qayd etilgan.
O‘zbekiston musulmonlari idorasi Matbuot xizmati
Qariyb o‘n oydirki, yurtimizning barcha hududlarida “Yangi O‘zbekistonning fidoyisi bo‘lib, ma’naviyat targ‘ibotchisiga aylanamiz” shiori ostida ma’naviy-ma’rifiy targ‘ibot tadbirlari o‘tkazib kelinmoqda.
Hoji ota, hoji onalar, imom-xatib va faollar bilan birga mahallalarda istiqomat qiluvchi ijtimoiy himoyaga muhtoj, boquvchisini yo‘qotgan, notinch, ajrim yoqasida turgan oilalar holidan xabar olib, qimmatli va’z-nasihatlar bilan ularning ko‘ngillariga iliqlik olib kirish barobarida xayriya va ehsonlar ulashmoqda.
Bugunga qadar 84 ming 793 ta tadbir o‘tkazildi. Ularda 518 121 nafar yurtdoshimiz qamrab olindi. 11 mingdan ziyod hojilar ishtirok etayotgan tadbirlar natijasida jamiyatdagi ma’naviy muhit yanada yaxshilanmoqda. Zero, ma’naviy-ma’rifiy targ‘ibot kishilik jamiyatida doimiy qilinishi lozim bo‘lgan ishlar sirasiga kiradi.
O‘zbekiston musulmonlari idorasi
Matbuot xizmati