Sayt test holatida ishlamoqda!
13 Mart, 2026   |   24 Ramazon, 1447
search icon
Avvalgi sayt
ЎЗ РУ EN AR

Toshkent shahri
Tong
05:21
Quyosh
06:39
Peshin
12:38
Asr
16:41
Shom
18:31
Xufton
19:43
Bismillah
13 Mart, 2026, 24 Ramazon, 1447
Avvalgi sayt
#search
 YouTube

«Toshkent» avtovokzalida erkaklar va ayollar uchun alohida namozxona va kutubxona ochildi (fotogalereya)

18.07.2019   5692   1 min.
«Toshkent» avtovokzalida erkaklar va ayollar uchun alohida namozxona va kutubxona ochildi (fotogalereya)

Bugungi kunda barcha sohalar qatori xizmat ko‘rsatish sohasi ham rivojlanib, insonlarning ehtiyoji uchun moslashtirib borilmoqda.

Jumladan, Chilonzor tumanidagi “Toshkent” avtovokzali ham rekonstruksiya qilindi. Bu yerda bir vaqtning o‘zida 2 mingdan ziyod yo‘lovchiga xizmat ko‘rsatish imkoniyati yaratildi. Mahalliy va xalqaro yo‘nalishlarda qatnovlar yo‘lga qo‘yildi. Bu haqda Azon internet nashri xabar bermoqda.

Vokzal eng ilg‘or texnologiyalar bilan jihozlangan bo‘lib, dispetcherlik xizmati, chiptaxona, kutish zali va VIP zalda yo‘lovchilar uchun zamonaviy shart-sharoitlar yaratilgan. Mehmonxona, ona va bola hamda tibbiyot xonalari, savdo do‘konlari ochildi.

Eng quvonarlisi esa, ayollar va erkaklar uchun alohida namozxona va tahoratxonalar yo‘lovchilarga xizmat qilmoqda. Shuningdek, namozxonalarda Islomiy adabiyotlar kutubxonasi ham mavjud.

Bugungi kunda Toshkentdan Yangiyer, Zomin, Samarqand, Zarafshon, Kattaqo‘rg‘on, Xatirchi, Uchquduq, Termiz, Denov, Buxoro, Qorako‘l va boshqa yo‘nalishlar bo‘yicha kuniga 10 dan ortiq mahalliy reyslar amalga oshirilmoqda. Bundan tashqari, avtovokzaldan 12 ta xalqaro yo‘nalish bo‘yicha xizmat ko‘rsatilmoqda.

 

O‘zbekiston musulmonlari idorasi Matbuot xizmati

O'zbekiston yangiliklari
Boshqa maqolalar
Yangiliklar

Xushxabar: ming yillik nodir asar o‘zbek tilida

12.03.2026   3753   1 min.
Xushxabar: ming yillik nodir asar o‘zbek tilida

#xushxabar #yangi_nashr
 

Yurtimiz allomalari qoldirgan bebaho ilmiy asarlarni o‘rganish, ularni ona tilimizga tarjima qilib xalqimizga yetkazish bugungi kunning muhim masalalaridan. 


Ulug‘ vatandoshimiz, qomusiy olim Imom Abulqosim Mahmud ibn Umar Zamaxshariy rahmatullohi alayhning “Maqomoti Zamaxshariy” asari ana shunday qimmatli manbalardan biri hisoblanadi. 


Oradan qariyb ming yil o‘tganiga qaramay haligacha ahamiyatini yo‘qotmay kelayotgan ushbu nodir asar O‘zbekiston musulmonlari idorasi raisining birinchi o‘rinbosari, ustoz Homidjon qori Ishmatbekov tomonidan tarjima qilinib, nashr etildi.

Ushbu asar ellikta maqomadan iborat bo‘lib, unda har bir musulmon kishida bo‘lishi talab etiladigan poklik, qanoat, nafs tarbiyasi, iffat, do‘stlik, taqvo, sabr, shukr, Allohdan qo‘rqish kabi go‘zal odoblardan namunalar bayon qilingan.


Arab tiliga qiziquvchi, kelajakda tilshunos bo‘lish istagida bo‘lganlar uchun ham muhim manba bo‘lgan ushbu asarni Alloh taolo xalqimizga muborak aylasin!


Ma’lumot o‘rnida, "Maqomati Zamaxshariy" kitobini yurtimizdagi kitob do‘konlari hamda "Shamsiddinxon Boboxonov" nashriyot matbaa ijodiy uyidan xarid qilish mumkin. (Bog‘lanish raqamlari: +998712273430, +998998391607).


O‘zbekiston musulmonlari idorasi
Matbuot xizmati

O'zbekiston yangiliklari
#logo