Bugun, 18 iyun kuni O‘zbekiston musulmonlari idorasi raisi, muftiy Usmonxon Alimov hazratlari Kavkaz musulmonlari idorasi raisi, shayxulislom Ollohshukur Poshshozodaning taklifiga binoan Avstriyaning Vena shahrida bo‘lib o‘tadigan xalqaro anjumanda ishtirok etish uchun jo‘nab ketdilar.
Ushbu yirik anjuman Kavkaz musulmonlari idorasi tashabbusi bilan Avstriyaning Federal hukumati hamkorligida tashkil etilgan. Unda Islom birdamligi va dinlararo muloqot mavzulari muhokama qilinadi. Ko‘plab davlat va din arboblari, taniqli ulamolar qatnashadi.
O‘zbekiston musulmonlari idorasi Matbuot xizmati
Joriy yil 2-4 aprel kunlari O‘zbekiston davlat jismoniy tarbiya va sport universitetida sportning Bahodirlar o‘yini va tosh ko‘tarish turlari bo‘yicha barcha yosh toifalari o‘rtasida bellashuv o‘tkazildi.
400 dan ortiq polvonlar o‘rtasida Toshkent islom instituti 2-kurs talabasi Bobonazarov Muhammad Sodiq tosh ko‘tarish turi bo‘yicha 18-23 yoshlilar orasida 95 kg+ vazn toifasida faxrli 2-o‘rinni oldi.
Shuningdek, Muhammad Sodiq 2025 yil 26 aprel sanasida o‘tkaziladigan Jahon kubogida ishtirok etish yo‘llanmasini qo‘lga kiritdi.
Musobaqani Bahodirlar o‘yini va tosh ko‘tarish federatsiyasi prezidenti Voxiddin Najmiddinov, ginnes rekordchi va professional sportchilar kuzatib bordilar. Musobaqa yakunida g‘oliblarga Sport vazirligi tomonidan diplom va esdalik sovg‘alari topshirildi.