O‘zbekiston musulmonlari idorasi tasarrufidagi oliy va o‘rta maxsus islom bilim yurtlariga 2019-2020 o‘quv yili uchun qabul e’lon qiladi.
Hadis ilmi maktabi
Hadis ilmi maktabi O‘zbekiston musulmonlari idorasi tasarrufidagi oliy diniy ta’lim beruvchi ta’lim muassasasi hisoblanadi. Maktabda o‘qish muddati 5 yil, kunduzgi ta’lim shaklida olib boriladi. Maktabda “Hadisshunoslik” ta’lim yo‘nalishi bo‘yicha bakalavr darajasidagi kadrlar tayyorlanadi.
Maktabga 2019-2020 o‘quv yili bo‘yicha 10 nafar talaba qabul qilinadi. Maktabga arab tilini puxta o‘zlashtirgan, hadislarni yod olishga salohiyati bo‘lgan o‘rta maxsus diniy ta’lim muassasalarining iqtidorli bitiruvchilari tanlov asosida saralab olinadi.
Hadis ilmi maktabiga qabul 2019 yilning 15 iyunidan 5 iyulgacha abituriyentlardan hujjatlar qabul qilinadi.
Taqdim etiladigan hujjatlar:
- qabul hay’ati raisi nomiga ariza;
- o‘rta maxsus islom ta’lim muassasasini bitirganligi haqida hujjat (diplom) asl nusxasi;
- pasport nusxasi (asl nusxasi ko‘rsatiladi);
- 6 dona rangli fotosurat (3,5 x 4,5 hajmdagi);
- yashash joyidagi masjid imom-xatibidan tavsiyanoma (joriy yilda o‘qishni tamomlagan bitiruvchilar ta’lim muassasasi rahbaridan tavsiyanoma oladi).
Qabul imtihonlari quyidagi fanlardan bo‘lib o‘tadi:
- Hadis va Mustalahul hadis (og‘zaki, ijodiy imtihon);
- Arab tili (og‘zaki, ijodiy imtihon);
- O‘zbekiston tarixi (test sinovi).
Hujjatlar Hadis ilmi maktabi binosida qabul qilinadi.
Manzil: Samarqand viloyati, Payariq tumani, Ho‘ja Ismoil shaharchasi.
Tel: (0366) 240-20-51
Toshkent islom instituti va Mir Arab oliy madrasasi
Toshkent islom instituti va Mir Arab oliy madrasasiga 2019 yilning 15 iyunidan 15 iyulgacha abituriyentlardan hujjatlar qabul qilinadi.
Taqdim etiladigan hujjatlar:
- qabul hay’ati raisi nomiga ariza;
- o‘rta maxsus islom ta’lim muassasasini bitirganligi haqida hujjat (diplom) asl nusxasi;
- pasport nusxasi (asl nusxasi ko‘rsatiladi);
- 6 dona rangli fotosurat (3,5 x 4,5 hajmdagi);
- yashash joyidagi masjid imom-xatibidan tavsiyanoma (joriy yilda o‘qishni tamomlagan bitiruvchilar ta’lim muassasasi rahbaridan tavsiyanoma oladi).
Qabul imtihonlari quyidagi fanlardan bo‘lib o‘tadi:
- Fiqh va aqoid (test sinovi);
- Arab tili (og‘zaki, ijodiy imtihon);
- O‘zbekiston tarixi (test sinovi).
Manzil: Toshkent islom instituti.
Toshkent shahar, Olmazor tumani, Zarqaynar 18-berk ko‘cha, 47-uy.
Tel: (0371) 227-23-47
Manzil: Mir Arab oliy madrasasi.
Buxoro viloyati, Kogon tumani, Qasri Orifon qishlog‘i.
Tel: (+99895) 604-45-97
Toshkent islom instituti va Mir Arab oliy madrasasiga o‘rta maxsus islom bilim yurtlarini tamomlaganligi to‘g‘risidagi hujjat (diplom)ga ega bo‘lgan fuqarolari qabul qilinadi.
O‘rta maxsus islom bilim yurtlari
O‘zbekiston musulmonlari idorasi tasarrufidagi o‘rta maxsus islom bilim yurtlariga 2019 yilning 15 iyunidan 5 iyulgacha abituriyentlardan hujjatlar qabul qilinadi.
Taqdim etiladigan hujjatlar:
- qabul hay’ati raisi nomiga ariza;
- umumiy o‘rta ta’lim (11-sinf negizida) yoki o‘rta maxsus, kasb-hunar ta’lim muassasasini tugatganligi haqida hujjat (diplom) asl nusxasi;
- pasport nusxasi (asl nusxasi ko‘rsatiladi);
- 6 dona rangli fotosurat (3,5 x 4,5 hajmdagi);
- yashash joyidagi masjid imom-xatibidan tavsiyanoma.
Qabul imtihonlari quyidagi fanlardan bo‘lib o‘tadi:
- Xorijiy til (test sinovi);
- Tarix (test sinovi);
- Ma’naviyat va ma’rifat (test sinovi).
O‘rta maxsus islom bilim yurtlariga umumiy o‘rta ta’lim ma’lumoti to‘g‘risidagi shahodatnoma (11-sinf), akademik litsey yoki o‘rta maxsus, kasb-hunar kollejini tamomlaganligi to‘g‘risidagi hujjat (diplom)ga ega bo‘lgan fuqarolari qabul qilinadi.
Oliy va o‘rta maxsus islom bilim yurtlari telefon raqamlari
1. Imom Buxoriy nomidagi Toshkent islom instituti, Toshkent sh., (0371) 227-23-47; (0371) 227-42-37;
2. “Ko‘kaldosh” o‘rta maxsus islom bilim yurti, Toshkent sh., (0371) 244-48-27;
3. “Xadichai Kubro” ayol-qizlar o‘rta maxsus islom bilim yurti, Toshkent sh., (0371) 299-24-11;
4. Hadis ilmi maktabi, Samarqand viloyati, Payariq tumani, Ho‘ja Ismoil sh., (0366) 240-20-51;
5. “Mir Arab” oliy madrasasi, Buxoro viloyati, Kogon tumani (+99895) 604-45-97;
6. “Mir Arab” o‘rta maxsus islom bilim yurti, Buxoro sh., (0365) 224-10-11;
7. “Jo‘ybori Kalon” ayol-qizlar o‘rta maxsus islom bilim yurti, Buxoro sh., 221-77-44;
8. “Xoja Buxoriy” o‘rta maxsus islom bilim yurti, Kitob shahri (0375) 54-27-425;
9. “Sayyid Muhyiddin maxdum” o‘rta maxsus islom bilim yurti, Andijon sh., (0374) 228-00-91;
10. “Hidoya” o‘rta maxsus islom bilim yurti, Namangan shahri (0369) 226-60-60;
11. “Faxriddin ar-Roziy” o‘rta maxsus islom bilim yurti, Urganch sh., (+99895) 606-92-55, (+99895) 602-92-57;
12. “Muhammad al-Beruniy” o‘rta maxsus islom bilim yurti, Nukus sh., (0361) 229-03-26, 229-03-20.
Bo‘rilar ovga chiqishganida itga duch kelib qolishdi. Uni yemoqchi bo‘lishdi. Shunda it: “Meni yemanglar! Sizlarni qo‘ylarga boshlab boraman”, dedi. Shunday qilib bo‘rilar itning sotqinligi tufayli ikki yilcha podaga qiron keltirishdi. Oxiri cho‘ponlar qo‘ylarni boshqa joyga ko‘chirib, sotqin itni bog‘lab tashlab ketishdi.
Ovga kelgan bo‘rilar hech narsa topolmay, bog‘liq turgan itni yeyishdi. Qorinlari to‘ygach: “Harholda bu bizga ishlagan edi, suyaklarini ko‘maylik”, deya itning suyaklarini ko‘mishdi. Qabrga bir belgi qoldirmoqchi bo‘lishdi. Lekin na do‘stlik, na dushmanlikni ifodalovchi bir belgi qoldira olishmadi. Biri:
– U do‘stlarimizdan edi, – dedi. Boshqasi:
– U sohibiga sotqinlik qilgan, bizga do‘st bo‘lolmasdi. Axir shuning uchun ham uni yeb qo‘ydik-ku, – dedi.
– Unda dushmanimiz, deylik.
– U bizga loyiq dushman ham emasdi. Chunki o‘ta qo‘rqoq edi. Hatto itlik mavqeini ham saqlay olmagandi.
Bo‘rilar shunday deya itning qabridan ham nafratlanishdi va ustiga hojat chiqarib ketishdi.
Xulosa shuki, xoindan hatto hayvonlar ham nafratlanadi. Endi insonning xoinligi qanday baholanishini tasavvur qilavering. Xoinlik – inson hayotida eng og‘ir gunohlardan biridir. Xoinlik faqatgina molu dunyoda emas, balki so‘zda, va’dada, ishonchda ham bo‘ladi. Xiyonat insonning qalbidagi tozalikni yo‘qotadi, jamiyatdagi ishonchni izdan chiqaradi.
Nabiy sollallohu alayhi vasallam bunday deganlar: «Qiyomat kuni Alloh taolo huzurida eng yomon inson – ishonch qilib biror ish topshirilgan, ammo u xiyonat qilgan kishidir» (Imom Buxoriy va Imom Muslim rivoyati).
Har bir musulmon kishi bilishi kerakki, xoinlik nafaqat dunyoda, balki oxiratda ham og‘ir oqibatlarga olib keladi. Shu bois, inson oilasi, jamiyati va e’tiqodi oldida doim halol, sadoqatli, ishonchli bo‘lishi lozim.
Akbarshoh Rasulov