O‘MI Toshkent shahar vakilligi matbuot xizmati
Bugun 31 – may muborak Ramazon oyining 26 – kuni Toshkent shahar Mirzo Ulug‘bek tumani “Dorulomon” jome masjidiga, Xorazm viloyati “Faxriddin ar-Roziy” islom bilim yurti mudarrisi Abdulhamid domla Jumanov imom-xatib vazifasiga tayinlandi.
Toshkent shahar bosh imom – xatibi Rahimberdi domla Rahmonov, Toshkent shahar vakili o‘rinbosari S. Satimov hamda Mirzo Ulug‘bek tuman bosh imom-xatibi A. Mamatov “Dorulomon” jome masjidiga tashrif buyurib, masjid qavmiga yangi tayinlangan imom-xatibni tanishtirdilar.
O‘MI Toshkent shahar vakilligi matbuot xizmati
Samarqand viloyatida O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining “Ey bandalarim” nomli yangi kitobiga bag‘ishlangan taqdimot tadbiri o‘tkazildi.
Mazkur ma’rifiy anjumanda viloyat bosh imom-xatibi o‘rinbosari Xayrullo domla Sattarov, shahar va tuman bosh imom-xatiblari, shuningdek Urgut tumanida xizmat qilayotgan imom-xatiblar ishtirok etdilar.
Tadbir davomida Xayrullo domla Sattarov Muftiy hazratlarining ushbu asari haqida batafsil ma’lumot berdi. U kishining ta’kidlashicha, “Ey bandalarim” kitobi qalb tarbiyasi, ma’naviy yuksalish va insonning islamiy axloq-odobini yuksaltirishga qaratilgan muhim manba hisoblanadi. Shuningdek, asarning o‘ziga xos mazmun-mohiyati, tarbiyaviy ahamiyati va o‘quvchiga beradigan ruhiy ta’siri haqida ham alohida to‘xtalib o‘tildi.
Taqdimot ma’rifiy muloqotlar va kitob atrofidagi fikr almashinuvlar bilan davom etdi.