O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining tashabbuslari bilan tizimda sog‘lom turmush tarzini keng targ‘ib qilish maqsadida haftaning har juma kuni “Sport kuni” deb belgilangan.

Mazkur xayrli tashabbusning amaliy ijrosi sifatida Diniy idora xodimlari o‘rtasida stol tennisi bo‘yicha musobaqa o‘tkazildi. Musobaqaning saralash bosqichlari yuqori saviyada tashkil etilib, eng kuchli 15 nafar ishtirokchi final bosqichiga yo‘l olgan edi.

Bugun, 19 iyun kuni musobaqaning 1/8 final, chorak final, yarim final va hal qiluvchi final bosqichlari qizg‘in va do‘stona ruhda bo‘lib o‘tdi. Murosasiz bahslar natijasiga ko‘ra quyidagi xodimlar g‘oliblikni qo‘lga kiritdi:

1-o‘rin: Abdusamad Samug‘jonov
2-o‘rin: Saidahror Umarxonov
3-o‘rin: Sherzod Karimov
4-o‘rin: Ne’mat Musayev
"Faxriy ishtirokchi" nominatsiyasi: Nabibulloh Rafiqov
 

Mazkur sport tadbiri orqali xodimlar Rasululloh sollallohu alayhi vasallamning «Kuchli mo‘min kuchsiz mo‘mindan ko‘ra Allohga yaxshiroq va sevimliroqdir» (Imom Muslim rivoyati) degan muborak hadislariga amal qilib, o‘zlarining chaqqonlik va sportdagi mahoratlarini namoyish etdi.

Bu kabi musobaqalar xodimlar o‘rtasida o‘zaro ahillik, hamjihatlik muhitini kuchaytirishga hamda ish unumdorligini oshirishga xizmat qiladi.

G‘olib va sovrindorlarni muborakbod etamiz!

 O‘zbekiston musulmonlari idorasi
Matbuot xizmati