Xabaringiz bor, O‘zbekiston musulmonlari idorasi tashabbusi bilan 2019 yilgi muborak Ramazon oyida mo‘min-musulmonlarning telefon orqali yo‘llangan ro‘za tutish bilan bog‘liq shar’iy masalalariga ulamolarning tunu kun javob berish tizimi joriy etilgan edi.
O‘tgan vaqt mobaynida mo‘min-musulmonlarimizda bunday diniy-ma’rifiy xizmatga juda katta ehtiyoj mavjudligi yaqqol ko‘rindi. Sababi, e’lon qilingan markaz telefon raqamlari bir soniya bo‘lsa-da tin olgani yo‘q. O‘tgan 15 kun ichida ulamolar tomonidan 5 mingdan ziyod savol-javob qilingani fikrimizni yanada quvvatlaydi.
Mo‘min-musulmonlar tunu kun 24 soat davomida (ibodat vaqtlaridan tashqari) o‘zlarining ro‘za tutish bilan bog‘liq shar’iy savollariga javob olish imkoniyati yo‘lga qo‘yilishi juda katta qulaylik bo‘ldi.
Koll-sentrning quyidagi telefon raqamlari muntazam ishlab turganini ma’lum qilamiz:
90 9026910;
90 9170580;
93 5752832 (faqat ayol-qizlar uchun, 08:00 dan 18:00 gacha).

O‘zbekiston musulmonlari idorasi Matbuot xizmati